Amosi 7:1 - Mawu a Mulluku

¹ Nndda sika Apwiya Mulluku yakoonihelliiwa m'masomphenya. Apwiya yaamupanga nazombe va enthawi eyo mwene atullalleeye manasi nave ephuwellakattho.

Amosi 7:1 ပူးပေါင်းရင်းမြစ်များ

Yowele 1:4

Eyo nazombe ayihiyalleeye, yaachiwa ni nazombe mmodda eyo nazombe yoolla ayihiyalleeye, yaachiwattho ni nazombe mmodda. Eyo nazombe mmoddoolla ayihiyalleeye yaachiwattho ni nazombe mmodda.

Amosi 8:1

Nndda sika Apwiya Mulluku yakoonihelliiwa m'masomphenya. Vaakhalla mutaanga wa ezipaso ddawiithwa.

Amosi 4:9

“Kahummiha mmiddwaanyu ni ereta owaaka nkhuwawe, nazombe ahoononga emata ddanyu ddittheddene ni ddampesa, miteekho ddanyu ddanamukuyu ni dda olivi komave khemwaahokollweelle wa miyaano. Mi Apwiya koollota.”

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Zekariya 1:20

Vatulli viwa Apwiya yaakooniha oohana mikoko asese.

Amosi 7:7

Nndda sika Apwiya yakoonihelliiwa m'masomphenya mamodda. Kaawoona alliwa yiimenlle va esiri yoomakamaka m'mattani mwiwa muri mukwe wookollelliwana esireeyo.

Amosi 7:4

Nndda sika Apwiya Mulluku yakoonihelliiwa m'masomphenya mamodda. Yaakhozekella waallaka athwiiwa ni munllo. Munllooyo wahummiha maaddi oowallamellesesa nave wahaamba woononga ellapo yavatthi.

Ezekiele 11:25

Sika kahaalleella akaporo ddittheddene nnddo Apwiya yakoonihelliiwa.

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.

Yesaya 33:4

Athu ennatthukumaniha ddawaakha ni oddilluphella wonanko aneerella nazombe.

Malaki 3:11

Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.