Amosi 6:14 - Mawu a Mulluku

¹⁴ Koma Apwiya Mulluku Amasiva Mattheene enallota wi, “Kineerorumiha mulloko wakhoto weelleto wi wuuhelleni ekhoto nyu Aisraele. Eneerewuuhoosani waambeella voovollowella o Hamati ophiya o muhinje wa Araba omwera.”

Amosi 6:14 ပူးပေါင်းရင်းမြစ်များ

2 Mamwene 14:25

Yerobowamu ahaakhattho mapuro mamodda ayo khalle yaari a Israele, ovenyera va mullako wa Hamati echigawo ya ompoto ophiyera ohito wa enyanja ya Araba. Sika ddaheereya nnddo Apwiya Mulluku a Israele yallotilliiwa oweella mwa oorumeyelliiwa Yona mwaana a Amitai, namallotella a o Gatihefere.

1 Mamwene 8:65

Sika enthawi yeeyo Solomoni aakeraatthiha ehakallallo vamodda ni Aisraele attheene. Waari mutthukumano muullupalli ovenyera woovollowella wa Hamati ophiya o ntapo na Iguputo. Ehakallallweella yaari yowaatitimiha Apwiya Mullukwaahu mallapo matthanu ni meelli.

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Yesaya 7:20

“Yaphiya enthaweeyo, Apwiya eneeromulemba oochema oovenyera okhopella wa muhinje wa Yufurate oyo tti mwene a o Asiriya. Ni nchemo naye aneerewuuchemani meehi a omuruni, a vamwiillini ni ereru ddene.

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

Ezekiele 47:20

“Malire a woovollowa nndduwa ekhalle o Enyanja Yuullupalli ophiya o mapuro oowehana ni mullako wa Hamati. Yeella sika embali ya woovollowa nndduwa.

Amosi 3:11

Sika ekaambiiwa Apwiya Mulluku enallotiiwa wi, “Adani eneerewaapheella ellapweeyo, eneerokumulla mipanda ddoollipa, eneerewaakha enyumba dduullupalli.”