Amosi 6:11 - Mawu a Mulluku

¹¹ Ddawoona, Apwiya yalamula enyumba dduullupalli ddineerokumuwa, dding'onong'ono ddineerotthattuwa matepe.

Amosi 6:11 ပူးပေါင်းရင်းမြစ်များ

Amosi 3:15

Kineerokumulla enyumba dda enthawi yooriirya ni dda enthawi yooviha. Enyumba ddoowallamella mutengo ddineerewoonongeya, enyumba dduullupalli ddineeropwalluwa.” Mi Apwiya koollota.

Yesaya 55:11

Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.

2 Mamwene 25:9

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Luka 19:44

Eneerowiiphani nimodda ni aniinyu nave khavikhalla nlluku naari nimodda va nikhwaaye nihinaamorihiwe ni alliwaayo. Vawi khamwaapwathille dda enthawi eyo Mulluku awiilleeye wi uuvulluseni!”

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Nahumu 1:14

Nyu a o Ninive, Apwiya aalamula wi, “Khamuwa mukhallaka ni edduullu ddooromolliwa nnddina nanyu. Kineerewoononga mafano oosema ni awoopa mu enyumba ya milluku ddanyu, kineerewuukatellani mahame vawi khamunna mutteko.”

Amosi 9:9

“Vawi kineerolamula, kineerewaatikhella Aisraele nngu ni nngu variyari va mitundu ddittheddene dda athu wonanko mmo enaveethella etthello ovenyihamo ddoohikhalla ni mutteko ddittheddene.

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Yesaya 13:3

Mi Apwiya kohaalamula athwaaka oopatuleya. Kohaatthukumaniha akhoto amasiva ni ookota wi ekhalle ezida ddaka ddawaallakella ayo kinaashelleemi murima.

Oollalleya 10:18

Muthu akhalla oolesi enyumbaaye ennatthanyuwa nave muthu akhalla amatta llellee enyumbaaye ennandonya.

Masalimo 105:34

Yaallota nave waaphiya nazombe, middope ddooheerengeya,

Masalimo 105:31

Yaallota nave waakhuma engwillihi ddinchichi, ethupo ddaavollowa mu ellapwiiwa ettheene.

Masalimo 105:16

Apwiya yawiihalliiwa ettalla mu ellapo yahoononga yoocha ettheene.

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’