Amosi 6:10 - Mawu a Mulluku

¹⁰ Mbalaaye a mmodda a ookhwaayo oophwanella weetiha dda maliro aneerophiya wi akhumihe mutembo mpammo. Vano aneeromukoha mmodda oyo ahanlle mpammo wi, “Ethiyo mwemmo ookhallamottho mmodda ari mukumi?” Olliye aneerewaakhulla wi, “Iyaayi khaamo.” Nave mbalaayooyo aneerollota wi, “Ngamaalleya! Nihaaheye oromolla nnddina na Apwiya.”

Amosi 6:10 ပူးပေါင်းရင်းမြစ်များ

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

1 Samuele 31:12

allopwana attheene oollipa murima yaatimulla yeeta ni mahiiyu yavenyihavo mutembo wa Saulo ni mitembo dda anaaye vasirini ya Betesheani. Ewiillena mitembonnddo o Yabeshi, yaaddihella munllo.

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Ezekiele 20:39

“Koma nyu Aisraele, mi Apwiya Mulluku kinallota wi, ‘Khaweni mwarumeyelle mafanwaanyu! Koma vatulli viwa muneerokiiwellellattho nave khamuwa muripiha nnddina naka naweella voovelleellani emphaso wa mafanwaanyu!

Yeremiya 44:26

Nyu Ayuda attheene a mu Iguputo, vano iwani mawu a Apwiya. Vawi Apwiya aallupella mu nnddina niwa noopambana wi mwa athu a o Yuda khaavo naari mmodda anaaromollettho nnddina nenna mu Iguputo wi, ‘Vamiitthoni va Apwiya Mulluku Ookumi.’

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Numeri 17:12

Vano Aisraele yaamulleella Mose wi, “Nineerokhwa, nineerotthollowa, nineeroraheya!

2 Mamwene 23:16

Eerille ddiiddo, Yosiya aarukunuwa nave ahoona mahame vamwaangonimvo. Sika ahaaruma athu wi yakuse makhuva mu mahamemmo nave aawoosella vanikuwanimvo. Sika aaninanariha nikuwanno monga yallotelle Apwiya oweella mwa namallotelliiwa oyo allotenlle ddenndda khalle.

2 Mamwene 6:33

Elisha Olliye allotaka ni attekweenaayo, mwene aaphiya allota wi, “Yookatamiha yeella enavenyera wa Apwiya. Ethiyo yowaatiyerellattho Apwiya tti tini?”

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.