Amosi 6:1 - Mawu a Mulluku

¹ Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Amosi 6:1 ပူးပေါင်းရင်းမြစ်များ

Yakobo 5:5

Mohiichella va ellapo yavatthi ni eyuuma. Mohiineneviha okhozekella nllapo nawiiphiwa.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Oweeruza 18:7

Vano athu atthanwaalle yaavenyawo yaphiya o Laishi, ewoona athu ayo yakhalla wenko, edduwella wi athwaayo kheyaarina yowaakatamiha wonanko mmo yakhallella Asidoni. Yaari athu oomaalleya ni oohirurumuwa, oohipaalla erive ello navettho yaari athu eeyuuma. Yahoona wi athwaayo yaanakhalla wuuteete ni Asidoni nave wi kheyeetellana ni athu amodda.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yeremiya 49:31

‘Timullani, mwawuhelle ekhoto mutundu wa athu oyo ori m'murendelleni, athu ayo eneesa wi eri vaphaama. Muzindiiwa khonna millako apaalle machiwi oowalliwa ni mikoko ddoollipa nave ori vaweekhiiwa.’

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

Yeremiya 7:4

Muhiroromelleke mawu oolleka vooganizani wi muri vaphaama voollotani wi nipuro nenna tti enyumba ya Apwiya, enyumba ya Apwiya, enyumba ya Apwiya!’

1 Mamwene 16:24

Olliye aakulla mwaango wa Samariya ovenyera wa Shemeri ni makobiri 6,000 asiliva. Nave yaamakavo muzinda owaaka mpanda woollipihana mwaangooyo. Muzindooyo yawuromonlle wi Samariya, okusella nnddina na Shemeri, mwaneena a mwaangooyo.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yeremiya 48:11

Apwiya yaallota wi, “Mowabu ookhalla va murendelleni ovenyera esombwaaye wonanko vinyo ookeraattheya phaama, oohimiminelliwa m'munoni mmodda. Ekaamba yawi khanaphariweke okaporo, makhallellwaaye tti amoddamoddave navettho wunkhella waye tti omoddamoddave.”

Masalimo 123:4

Wa enthawi yoorekama, athu eeyuuma aaninyemulla, athu awiitukhulla aanivevulla.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Amosi 3:9

Ollalleye wa athu ookhalla o mipanda ddoollipa dda Ashidodi navettho wa ookhalla mu mipanda ddoollipa dda o Iguputo wi, “Mutthukumane omiyaangoni dda o Samariya, moone ddoovirikana dduullupalli ni ddoonyingallella ddineereya wenko.

Amosi 5:27

Vano kineerewuurumihani wuukaporoni wuuteete ni muzinda wa Damasiko.” Mi Apwiya Mulluku Amasiva Mattheene koollota.

Miyambo 1:32

Athu eenamwani eneerewiiphiwa ekaamba ya ohollowa wiwa. Nave ookarangeya eneerewoonongeya ekaamba ya ohipwatha wiwa.

Yeremiya 2:3

We Israele waari oopatuliwa a Apwiya, waari wonanko echipaswaaye yawaamba wiithwa. Kaarumiha ddoovoreya ni ddookatamiha ddinchichi va attheene ayo yuuhoosille otulli waanaamorella. Mi Apwiya koollota.”

Yeremiya 5:5

Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Amosi 9:10

Athwaaka attheene oochimwa eniiphiwe ni nsupada ayo enaalloteke wi, ‘Ollaka khoniphiyera apaalle khanikumanana.’ ”

Mika 3:1

Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?