Amosi 5:7 - Mawu a Mulluku

⁷ Otulli wa ayo enakhoromaniha echilungamo, enanyaambusa ddoolungama.

Amosi 5:7 ပူးပေါင်းရင်းမြစ်များ

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.

Hoseya 10:4

Mamwene enallota mawu oohikhalla ni mutteko. Ennallupella ni opangana ddawoottha. Echilungamo yootthattuwa ohilungama wonanko ophuwa wa makukhu oowaawa a m'matani.

Ezekiele 3:20

Muthu oolungama aamba weera ddoohilungama nave miyaano kamuhiya mu ddawoopiha yooyo aneerokhwa. Weyaano waahimuchenjeza aneerokhwa ekaamba ya machimwaaye nave echilungamwaaye ngiwa kuupuwella koma weyaano kineerowiipa mullatu ekaamba ya okhwa waye.

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.

Ezekiele 33:18

Muthu oolungama ahiya weera ddaphaama aneera ddoonanara aneerokhwana.

Ezekiele 18:24

“Koma muthu oolungama atthattuwa oonanara, aneera ddoonanara ddoohiyanahiyana nnddo athu oonanara eneeriiwa, ethiyo muthu awi ddiidda ttuukhalla ni okumi? Iyaayi, ddaphaama ddittheddene khaddiwa dduupuwelliwa. Vawi aweera ddoonanara nave oochimwa aneerokhwa.

Yesaya 10:1

Otulli wa athu ayo enakeraatthiha malamulo oohilungama ni olemba ddawaahoosa athu.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

Masalimo 36:3

Mawu avayanoni vaye tti oonanara nave oolleka, khaneerattho ddeezeru apaalle ddaphaama.

Miyambo 21:7

Echiwawa ya muthu oonanara ennamoononga vawi annakhoota weera ddoolungama.

Yesaya 5:20

Otulli wa athu ayo enaddeesa ddoonanara wi tti ddaphaama nave ddaphaama wi tti ddoonanara, ayo eneesa epiphi wi tti owala nave owala wi tti epiphi ayo eneesa ddoowaawa wi tti ddooddiva nave ddooddiva wi tti ddoowaawa.

Amosi 2:3

Kineeromwiipha oolamulella variyari viwa, kineeroddiiphattho enduna ddaye vamodda ni olliye. Mi Apwiya koollota.”

Amosi 3:10

Khenadduwella weera echilungamo, yoodduukellella eyuuma oweella mu waakha ni wiiya.” Mi Apwiya koollota.

Yesaya 46:12

Nyu athu awumma mirima, kiiwellelleni, nyu oorekamellana ni ovullusa.

Mika 3:9

Ngiiwani, nyu oohoollella a nibanja na Yakobo, oolamulella a nibanja na Israele! Munniitana ni echilungamo, munnakhoromaniha ddeko ddawookowa.

Habakuku 1:4

Malamulo khenna masiva, echilungamo khenaphara mutteko. Oonanara yoowaapheella oolungama, echilungamo yoolepheleya.