Amosi 5:6 - Mawu a Mulluku

⁶ Waashaasheni Apwiya wi mukhalle ni okumi. Mwaaheera ddiiddo eneerowoosa ni munllo athu a o Israele, oneerewaashellelliha a o Betele oohikhallavo oowuthiimiha.

Amosi 5:6 ပူးပေါင်းရင်းမြစ်များ

Yesaya 55:6

Muwaashaashe Apwiya mvo enaphwanyeyiiwa, muvekelle wa alliwa mvo eriiwa vakhuviru.

Amosi 5:14

Muhiyevo murima vaweerani yaphaama ohiri yoonanara wi mukhalle ni okumi. Mweera ddiiddo, Apwiya Mulluku Amasiva Mattheene, eneerokhalla ni nyuwaano moollikana ni mmo mullotilleenyu.

Amosi 5:4

Apwiya enallota ni a nibanja na Israele wi, “Kaashaasheni wi mukhalle ni okumi.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Ezekiele 37:19

waalleelle wi mi Apwiya Mulluku kinallota wi, ‘Kiri vakhuviru okusa ekopo ya Yosefe eyo yaari m'mattani mwa Efuremu vamodda ni Aisraele awiiwananana wi killundellelle ni ekopo ya Yuda wi ekhalle ekopo emodda. Nave eneerokhalla emodda m'mattani mwaka.’

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yesaya 1:31

Athu amasiva enaakhalle wonanko manasi awumma nave mitteko ddiwa wonanko munllo. Sika athwaayo enaakharelle nimodda ni mitteko ddiwa, oohikhallavo mmodda oowora waathiimihella.

1 Mamwene 11:28

Yerobowamooyo aari muthu oollipihella mutteko nave Solomoni amoonilleeye wi aari oollipihella aamuvaha okapitawo woowehera mutteko wathangata mu echigawo ya anamwani a Yosefe.

2 Samuele 19:20

Miyaano kaporwaanyu kinnadduwella wi kaachimwa. Ella sika ekaambiiwa kiwiilleemi ollellova. Mu nibanja nittheene na Yosefe awaamba tti miyaano owa okumana ni nyuwaano apwiyaaka amwene.”

Yoswa 18:5

Ekawe ellapweeyo ezigawo dditthanu ni piilli. Yuda akhalle mu ellapwaaye ya omwera nave Yosefe akhalle mu ellapwaaye ya ompoto.

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Eksodo 22:6

“Muthu aviddeella munllo oya waphiya ohakani nave woosa mapwiddi a tirigu apaalle tirigu oohiretiwa apaalle emata eyo eri ni mmiddo, oyo addoosillooyo allivelle ddawoonongeyannddo.

Masalimo 27:8

Kinnuupuwella, mwaallota wi, “Mwaashaasheke ekhovaaka.” Murimaaka waallota wi, “Nyu Apwiya kinnaashaasha ekhovaanyu.”

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Amosi 3:14

“Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

2 Epilli 34:25

Athwaayo aakihiya, enavelleella mikutho wa milluku ddimodda ni okichimwella ni mafanwiiwa, mitteko ddittheddene dda mattiiwa. Sika osha murima waka wookharella muzindoolla nave khowa othiima.’

Masalimo 69:33

Valle Apwiya ennawiiwa athu oohoowa, khenaavevulla athwiiwa oomakiwa ni onyolo.

Yeremiya 38:20

Yeremiya ahaakhulla wi, “Iyaayi, kheyuuvelleellani. Mwiiwellella mawu a Apwiya, kinuulleellani wi ddeko ddittheddene ddineeroweetellani phaama nave muneerokhalla ni okumi.

Ezekiele 21:3

Oyilleelle ellapo ya Israele wi Apwiya enallota wi, ‘Kineerollipana ni weyaano. Sika kineerohullulla nsupada naka munigoneloni mwiwa wi kiwiiphe athwaawo, oolungama vamodda ni oonanara.