Amosi 5:3 - Mawu a Mulluku

³ Apwiya Mulluku enallota wi, “Muzinda oyo wakelle okhotoni ni athu 1,000 onaahokollowe ni athu 100. Wakelle okhotoni ni athu 100 onaahokollowe ni athu khumi a nibanja na Israele.”

Amosi 5:3 ပူးပေါင်းရင်းမြစ်များ

Aroma 9:27

Nave Yesaya aanakhuwa dda Israele wi, “Naari athu a o Israele tti anchichi wonanko mihava dda onyanja nave oohalla ooyevave sika enaavullusiwe,

Ezekiele 12:16

Koma kineerewaahiya athu aweerengeya wi evulluwe o ekhoto, ettalla ni mullilli wi yatthopoolle ddaweera ddiwa ddittheddene ddoonanara variyari va athu nko enayiiwawo. Sika eneerodduwella wi mi tti Apwiya.”

Yesaya 10:22

We Israele naari athwaawo yaate wonanko mihava dda onyanja, oohalla ooyeva sika enaahokollowe. Woonongeya woosimikizelliwa, echilungamwiiwa eneerosefukella.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Deuteronomo 28:62

Naari mwaatille wonanko etheneeri ddooddullu, oovulluwa munaakhalle ooyeva kaambiiwa khemwaawiiwellelle Apwiya Mullukwaanyu.

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Amosi 6:9

Athu khumi yavulluwa ni wiipittha mu enyumba emodda, alliwattho eneerokhwa.

Masalimo 144:14

Eng'ombe ddahu ddikhalle ni mapelle, ddihivudde apaalle olephela oyara. M'misewuni mwahu muhikhalle winlla ekaamba ya ddookatamiha.

Deuteronomo 28:63

Wonanko mmo Apwiya ddaaddivellelliiwa wuudalisani ni owaatihani, emoddamoddave yeeyo oneerewaaddivellattho wi ewoonongeni, yuuttholloseni ni wuutullani mu ellapo eyo munaawaakheenyu.