Amosi 5:25 - Mawu a Mulluku

²⁵ “Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Amosi 5:25 ပူးပေါင်းရင်းမြစ်များ

Ezekiele 20:8

Koma yaakiwukila ekhoota okiiwellella. Khaavo naari mmodda oyo atathillalle ddoonanara ddaye nnddo ddamuhakallalliha nave khaavo naari mmodda oyo ahiyalle mafano a o Iguputo. Vano kaaganiza ddoowoonihella owallaaka ni osha murima waka o Iguputo wenko.

Nehemiya 9:18

Naari yiipangelliiwa nifano na musaanaang'ombe ellota wi, ‘Olla sika Mullukwaahu anikhumihalle o Iguputo,’ nave naari yeerille ddeko ddawuuvevullani dduullupalli,

Nehemiya 9:21

Mwahaasunga wa miyakha 40 muchipululuni nave enthawi ettheeneella kheyaarama erive ello. Ddoowara ddiwa kheddaawaahuwalle navettho manyallwiiwa kheyaawiipalle.

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Ezekiele 20:24

kaambiiwa yawi kheyaawiiwellelle malamulwaaka, yaakhoota malangizwaaka, yaaripiha mallapwaaka a Sabata ni yaallapella mafano a makhollwiiwa.

Ezekiele 20:16

Yaakhoota malangizwaaka ni ohiiwellella malamulwaaka nave yaaripiha nllapo naka na Sabata. Murimiiwa waakonda othwara mafano.