Amosi 5:22 - Mawu a Mulluku

²² Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Amosi 5:22 ပူးပေါင်းရင်းမြစ်များ

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Masalimo 116:17

kineerovelleella mukutho woothokoza, kineerovekella vooromollani nnddina nanyu.

Masalimo 50:23

Koma othokoza wonanko mukutho onakititimiha, oyo aneera ddenndda, kineeromoonihella ovullusa waka.”

Levitiko 7:11

“Malamulo a mukutho wa eyaattano woovelleelliwa wa Apwiya tti awi,

Masalimo 40:6

Khamwaapanlle mikutho ni ddoovelleella, koma mookivaha maaru wi kiiwellekena. Khamwaavekille mikutho ddooshellelliha, ni mikutho ddoopepesella machimo.

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Yeremiya 7:21

“Apwiya Amasiva Mattheene Mulluku a Israele enallota wi, ‘Mwaanjerere ddoovelleella ddanyu ddooshellelliha va mikutho ddanyu ddimoddannddo nave muttakhune enamiiwa.’

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Amosi 5:23

Muhikithiyena owaruni machipwaanyu oonyakulla nginapaalla wiiwa miipello a azezaanyu.

Malaki 1:9

Vano nyu allupa mukutho, muvekeni Mulluku wi aneerelle echifundo. Ethiyo ni emphaso ddiri m'mattani mwanyunndda, olliye ttuuweerellani echifundo? Mi Apwiya Amasiva Mattheene koollota.”

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.