Amosi 5:21 - Mawu a Mulluku

²¹ Apwiya enallota wi, “Kinniitana nave kinnanyaambusa ehakallallo ddanyu, mitthukumano ddanyu ddamallapello nginahakallallana.

Amosi 5:21 ပူးပေါင်းရင်းမြစ်များ

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Ezekiele 23:18

Mutthiyanooyo aanararuwa mooddoonihella nave aanooniha epwillimwinddaaye moohiwulliwa muru. Sika kaananariwana wonanko mmo keerelleemi ni muullupallaaye.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Amosi 4:4

“Waani o Betele, onipuroni naweella wi muchimwe, mwaanjerere ddoolakwa ddanyu o Giligala. Muweekena mikutho ddanyu orive ohinase ddaneekhumi ddanyu erive mallapo mararu.

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”