Amosi 5:2 - Mawu a Mulluku

² “Namwalli Israele oomora, khavenyattho, ootathilliwa nave ootiwalliwa va ellapwaaye, khaavottho anaamuvenyihe.”

Amosi 5:2 ပူးပေါင်းရင်းမြစ်များ

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Yeremiya 51:64

Nave wallote wi, ‘Mmu sika Babiloni aneereeye apwinelle. Khawa avenyattho ekaamba ya ddawoopiha ddittheddene kinammorihelleemi.’ ” Mawu a Yeremiya emallelle vaava.

Yeremiya 50:32

We ellapo yawiitukhulla, oneerokwakwatuwa ni wiikuha nave khaavo oyo anuuvenyihe. Mizinda ddawo kineeroddoosa ni munllo nave oneeroshellelliha ddittheddene ddawaatamana ni mizindannddo.”

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yeremiya 18:13

Apwiya enallota wi, “Akohe athu a mitundu ddimodda ddittheddene, aarimi arivo oyo aambilleke wiiwa ddenndda. Israele olle aari wonanko namwalli, oheera yoonanara wunchichi.

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 2:27

Munallota wa muteekho wi, ‘We tti attiitthaaka,’ nave wa nlluku wi, ‘We tti Amoowaaka.’ Mookireya etulli munipuroni moorukunuwella wa miyaano. Komave mwakhalla mu ddookatamiha munnakiithana wi kuuvulluseni.

Yesaya 43:17

Yaatthukumaniha magareta ni akavalo, mulloko wakhoto ni akhoto amasiva. Attheenaayo yaahiikuha oohivenyattho, yaathiimihiwa ni omalla wonanko ntthupu.

Yesaya 37:22

kinallota dda olliye wi, ‘We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Yesaya 24:20

Ellapo yavatthi eneerohahareya wonanko oolezela, eneerotikheya wonanko musasa enthawi ya ephevo yawoopiha. Ellapo yavatthi yoollemelliwa ni ddoonanara ddiwa, eneeromora nave khevenyattho.

Yesaya 14:21

Ekaamba ya machimo a attiitthiiwa, khonzekerani owiipha anamwani a mwenoolla woova wi enaavenye ni waakha ellapo yavatthi ni oyiddalliha ni mizinda.

Yesaya 3:8

Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya.

2 Mamwene 17:16

Yaatathilla malamulo mattheene a Apwiya Mullukwiiwa, yiipangella mafano meelli, asaana amukoko eeng'ombe eelli. Yaapangattho mafano mamodda a Asherimu enallapella ddeko ddamuddullu owaakattho Baala.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

Yeremiya 8:4

Apwiya yaakilleella wi kaakohe athwiiwa wi, “Ethiyo muthu iikuha khanavenyattho? Ethiyo muthu ahollowa khahokollowattho?

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.