Amosi 5:16 - Mawu a Mulluku

¹⁶ Sika ekaambiiwa Apwiya Mulluku Amasiva Mattheene enallotiiwa wi, “Muneerokhalla winlla m'mathatoni mutthemwene, m'misewuni mutthemwene ekuthove wi, ‘Kookhwa! Kookhwa!’ Naari athu shisha, oollima eneerowiithana wi yinlle, vamodda ni eeruso yawinlla vamalironi.

Amosi 5:16 ပူးပေါင်းရင်းမြစ်များ

Yowele 1:11

Nyu oollima, tathillani murima nyu oollima mpesa, inllani vawi tirigu ni barele ni ddittheddene ddam'matani ddoolepheleya.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yawuupullulla 18:19

Yahiihella nthupi m'muruni mwiwa nave yinlla ni ommorella ethakaraka ellota wi, “Otulli! Otulli! Muzinda woovuwooyo! Olla tti muzinda oyo athu attheene yaari ni ekallawa ddiwa ddaweeta va enyanja yaatukhuwa ni eyuumiiwa! Nave va enthawi yooyeva, eyuuma ettheeneelle yoomalla!”

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Mika 1:8

Vano Mika aallota wi, “Ekaamba ya yeella kineerewinlla moomoriha ethakaraka. Kineereweeta oohiwara esapato nave kiri epwillimwinddive, kikhuwaka wonanko khatwe ni winlla wonanko enthiwatiwa.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Amosi 5:27

Vano kineerewuurumihani wuukaporoni wuuteete ni muzinda wa Damasiko.” Mi Apwiya Mulluku Amasiva Mattheene koollota.

Amosi 3:13

“Ngaapellani maaru, muwiipe mullatu a munibanjani na Yakobo.” Mi Apwiya Mulluku Amasiva Mattheene koollota.

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.

Yowele 1:8

Nyu athu, inllani wunchichi, wonanko namwalli awanre echiguduli ekaamba ya okhwa wa musombwe oyo apaalla omutthella.

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yesaya 15:8

Winlla wiwa onniiweya o ellapo ettheene ya Mowabu naari ovenyera o Egilaimu ophiyera omwera o Beerelimu.

2 Epilli 35:25

Yeremiyattho aamwinllella Yosiya nave athu awiipa machipo allopwana ni atthiyaneene yoollota dda Yosiya mu winlla wiwa ophiyera ollello. Ddenndda yaaddikeraatthiha wonanko mutetho mu Israele nave ddoolembiwa mu nibukhu na Maliro.

Yeremiya 30:5

“Nohiiwa winlla wootthukumella ni wawoova, murendelle khawiivo virive veko.

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Yowele 1:15

Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Yeremiya 9:16

Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”