Amosi 5:15 - Mawu a Mulluku

¹⁵ Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Amosi 5:15 ပူးပေါင်းရင်းမြစ်များ

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Masalimo 97:10

Apwiya ennaakonda athu awiitana ni ddoonanara, ennasunga okumi wa athwiiwa oororomelleya, ennaavullusa m'mattani mwa athu oonanara.

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Amosi 5:24

Koma echiweruzwaanyu yeete wonanko maaddi, echilungamwaanyu okhalle wonanko muhinje woohiwelleella.”

Masalimo 36:4

Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

1 Mamwene 20:31

Nave oorumeyellaaye yaamulleella wi, “Ngoonani vano, nohiiwa wi mamwene a o Aisraele tti eethakaraka. Hankoni niware eziguduli muyuununi ni waapheelliha mikwe munikohini wooniha ogonja, niye wa mwene a o Israele apaalle khawiiphani.”

Aroma 7:22

Murimaaka muttheene onnahakallalla ni malamulo a Mulluku.

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,

Amosi 5:6

Waashaasheni Apwiya wi mukhalle ni okumi. Mwaaheera ddiiddo eneerowoosa ni munllo athu a o Israele, oneerewaashellelliha a o Betele oohikhallavo oowuthiimiha.

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Masalimo 119:104

Kinnaphwanya ezeru ekaamba ya malamulwaanyu sika kinniitana ni erive ettilla yoolleka.

Masalimo 37:27

Vano hiya ddoonanara era ddaphaama, wi okhalle va ellapo yavatthi wa enthawi yoohimalla.

Masalimo 34:14

Orape ddoonanara nave weere ddaphaama, ashaasha murendelle ni murimaawo muttheene.

2 Mamwene 19:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

2 Mamwene 13:7

Enthawi yeeyo Yehowahazi khaarina mulloko wakhoto muullupalli. Aari ni akhoto 50 oowella va akavalo, magareta khumi ni akhoto 10,000 aweeta vatthi vawi mwene a o Siriya aari awoonongille khalle akhoto anchichi ni waatthattusa nthupi.

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Daniele 2:49

Ekaamba ya oveka wa Daniele, mwene ahaatthoolla Shadrake, Meshaki ni Abedenego wi ekhalle oowehera mitteko dda echigawo ya Babiloni. Koma Daniele yeekha akhalla o enyumba yoomwene.

Amosi 7:3

Vano Apwiya yaamoriwa ethakaraka ellota wi, “Ddenndda khaddiwa ddeereya.”

Yona 1:6

Vano kaputeni a echombo aaphiya wa Yona nave aamukoha wi, “Ethiyo we namakona, onaphuravo tini vaava? Venya! Vekella wa mullukwaawo! Apaalle ttuunimoriwella ethakaraka wi nihoonongeye.”

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Ezekiele 45:9

“Mi Apwiya Mulluku kinallota wi, nyu oolamulella a Aisraele ddookikwakhwana, Hiyani ekuku ni waahoosa athwaaka. Mwiiwellelleke malamulo nave mweereke echilungamo. Ahiyeni athwaaka nave muhinaavenyihaka mwiillaponi mwiwa. Mi Apwiya Mulluku koollota.

Mika 3:2

Koma munniitana ni ddaphaama ni okonda ddoonanara. Athwaaka munnawaatta ookumi ni ottovorolla muhehiiwa.