Amosi 5:13 - Mawu a Mulluku

¹³ Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Amosi 5:13 ပူးပေါင်းရင်းမြစ်များ

2 Timoteo 3:1

Upuwella wi m'mallaponi oomallihella oneerokhalla ddoohoosa.

Mika 2:3

Sika Apwiya enallota wi, “Ngoonani, kineerewuumorihellani otulli ekaamba ya ddoonanaranndda. Kineerewuumakellellani nigoli* munikohini mwanyu nno muhinaaworeenyu onirulla. Khamuwa mweetattho mookota ekaamba yawi enthawi yeeyo enaakhalle yoonanara.

Hoseya 4:4

Apwiya enallota wi, “Nyu allupa mukutho oolleka, ahikhallevo anaavaanyihe erive ello, ahikhallevo anaamwiipe mullatu mukhwaaye vawi mullatu ori variyari va nyuwaano ni miyaano.

Oollalleya 3:7

Vookhalla enthawi yawaahulla ni enthawi yoosowa, enthawi yoomaalleya ni enthawi yoollota.

Aefeso 6:13

Sika vano muware ddoowara ddawiitetezella ddittheddene nnddo muvahiweenyu ni Mulluku! Nllapo noonanara naphiya, muneerowora wiiteteza wa mudani nave mwamalliha owana, mukhallave oollipa.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Amosi 6:10

Mbalaaye a mmodda a ookhwaayo oophwanella weetiha dda maliro aneerophiya wi akhumihe mutembo mpammo. Vano aneeromukoha mmodda oyo ahanlle mpammo wi, “Ethiyo mwemmo ookhallamottho mmodda ari mukumi?” Olliye aneerewaakhulla wi, “Iyaayi khaamo.” Nave mbalaayooyo aneerollota wi, “Ngamaalleya! Nihaaheye oromolla nnddina na Apwiya.”

Yesaya 37:3

Alliwaayo yaamulleella Yesaya mawu a Hezekiya awi, “Ollello tti nllapo na ddoohoosa na ollaka ni noowulliwa muru. Niri wonanko mutthiyana eerukullu oyo ari vakhuviru omuyara mwaana koma khanna masiva ooyarella.

Yesaya 36:21

Koma athu yaarimi ellapo tuu, oohaakhullavo ello ekaamba yawi mwene Hezekiya ahaalamula wi, “Muhimwaakhulle.”

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

2 Mamwene 18:36

Koma athu yaarimi ellapo tuu, oohaakhullavo ello ekaamba yawi mwene Hezekiya ahaalamula wi, “Muhimwaakhulle.”

Yobu 32:16

Ethiyo kitiyerelleke ekaamba yawi alliwa khenallota, ekaamba yawi erimoona wiimella, oohaakhulla?

Masalimo 38:14

Ddawoona, kiri wonanko muthu oohiiwa, kaambiiwa nginawora waakhullavo ello, yaakillotellaka.