Amosi 5:12 - Mawu a Mulluku

¹² Mi kinnadduwella waata wa machimwaanyu, wunnuwa wa ddoolakwa ddanyu. Nyu tti adani a athu oolungama, munnaakhella ddamukaphwani, munnavirikaniha millatu dda oohoowa.

Amosi 5:12 ပူးပေါင်းရင်းမြစ်များ

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.

Yakobo 5:6

Mooweeruza nave moowiipha athu oolungama, oohiwora wiiteteza.

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Amosi 2:16

Nllapo nenno naari oollipa murima variyari va amasiva aneerothawa ari epwillimwinddive. Mi Apwiya koollota.”

Maliro 3:34

Apwiya ennadduwella dda waanyingallella a mundende a veellaponi,

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Yesaya 47:9

Koma mu enthawi yooyeva nllapo nimodda, ddeko piilli ddineerewuumorella, anaawo attheene eneerokhwa, oneerotthattuwa naamukhwelle, ddenndda ddineerewuumorella, naari ori ni masenga manchichi ni manyaka ddamasiva.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 29:21

Mulluku aneerewaallaka awoottha, oovirikaniha echiweruzo yawoona ni oovelleella omboni wawoottha wi oohilakwa yeeruziwe moohilungama.

Yesaya 10:2

Alliwa ennahollosa malamulo vaweeruzani oohoowa moohilungama. Ennawaakha ddawaaphwanella athwaaka nave ennatthukumaniha dda anaamukhwelle ni owiiyera akhwaadduni.

Yesaya 5:23

Otulli wa athu ayo enamulungamiha muthu oochimwa ekaamba ya ddamukaphwani nave enananariha mullatu wa muthu oohichimwa.

Miyambo 22:22

Muhiwaakhe oohoowa ekaamba yawi tti oohoowa apaalle waanyingallella oopaneya vanthatoni.

Yobu 31:21

Kaarimi kitukhunlle nnatta omoopopiha mukhwaadduni, voororomellani wi mullatu oneerokeetella phaama,

Rute 4:1

Bowazi aaya akeraatthi vatthi vanipuroni nootthukumanellavo vamullakoni va etawoneeyo. Vano aamoona mbalaayembalaaye amwaakaayoolle aphiyaka. Sika Bowazi aamulleella wi, “Mukhwaaka ngahapuwella wuno, okeraatthi mva.” Muthoolle aahapuwa akeraatthi.

Deuteronomo 31:21

Sika ddoohoosa ddawoopiha ddaamorella, nchipo nenna ninaakhalle wonanko omboni wowaavaanyiha ekaamba yawi edduullu ddiwa ddineerekewiipave. Vawi kinnadduwella nnddo enaganiziiwa naari kihinaavollochihe mu ellapo eyo kallupenlleemi wi kineerewaavaha.”

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Masalimo 127:5

Oodala tti muthu oyo munigoneloni mwaye muddanlle mipaamba, khawa awulliwa muru, aallotaka ni adanaaye va nthato namillatu.

Miyambo 17:8

Ddamukaphwani ddiri wonanko murete wa ekari wa muthu oyo anaddeera vawi aweerooyo erive ello ennamweetella phaama.

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

Hoseya 5:3

Kinnaadduwella Aefuremu ni Aisraele, khe awiipittheya wa miyaano. Aefuremu yaanararuwa nave Aisraele yahiiripiha.

Amosi 2:3

Kineeromwiipha oolamulella variyari viwa, kineeroddiiphattho enduna ddaye vamodda ni olliye. Mi Apwiya koollota.”

Amosi 5:7

Otulli wa ayo enakhoromaniha echilungamo, enanyaambusa ddoolungama.

Amosi 8:4

Amosi aallota wi, “Ngiiwani nndda, nyu munaanyingallella oopaneya, munapaalla owoononga oohoowa a mwiillaponimmu,

Eksodo 23:3

Waamweeruzaka muthu ohoowa, oheeruzeke moomukondella.

Eksodo 23:6

“Muthu mmodda oohoowa aawiipiwaka mullatu, ohimwimmane echilungamo.

Yobu 20:19

Vawi ahaahoosa nave khaapwathille oohoowa, ahaakha enyumba nnddo ahimakilleeye.