Amosi 5:11 - Mawu a Mulluku

¹¹ munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Amosi 5:11 ပူးပေါင်းရင်းမြစ်များ

Zefaniya 1:13

Eyuumiiwa eneerewaakhiwa ni adaniiwa, enyumba ddiwa eneeroddikumulla. Eneeromaka enyumba koma khewa ekhallamo. Eneerewaalla emata ddampesa koma khewa emuwirya vinywiiwa.

Mika 6:15

Muneerekewaalla koma khamuhataka. Muneerekeweeka makhura a olivi koma khamwiihellaka. Muneerekovota mpesa koma vinyweene khamumullawihaka.

Deuteronomo 28:30

“Muneeromutomela mutthiyana koma anaamutthelle tti muthu mmodda. Muneeromaka enyumba koma oohikonamo. Muneerewaalla mpesa koma ezipaso ddampesannddo oohichana.

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Mika 2:2

Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

Amosi 3:15

Kineerokumulla enyumba dda enthawi yooriirya ni dda enthawi yooviha. Enyumba ddoowallamella mutengo ddineerewoonongeya, enyumba dduullupalli ddineeropwalluwa.” Mi Apwiya koollota.

Yesaya 16:10

Ohakallalla ni weelliwa murima woohiyiwa o emata dda ethaya yaphaama. Machipo kheniipiwa nave khavirittho mawu ookhuwa mu emata ddampesa. Khaavo anamuwamulla vinyo moovotellamo mpesa nave okhuwa woohakallalla wa enthawi yoohata mpesa woohiyiwa.

Ezekiele 26:12

Eneerowaakha eyuumaawo ni malondaawo. Eneerokumulla mipanda ddawo ni enyumba ddawo ddooreera. Mallukwaawo, miteekho ddawo ni erive ello eneeroddivokha mu enyanja.

Amosi 2:6

Apwiya enallota wi, “Ekaamba ya ddoolakwa ddiraru dda athu a o Israele apaalle ddisese ngihiya waallaka. Ennawaakakhaniha athu oolungama ni siliva, oohoowa ni esapato.

Amosi 3:9

Ollalleye wa athu ookhalla o mipanda ddoollipa dda Ashidodi navettho wa ookhalla mu mipanda ddoollipa dda o Iguputo wi, “Mutthukumane omiyaangoni dda o Samariya, moone ddoovirikana dduullupalli ni ddoonyingallella ddineereya wenko.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Amosi 6:11

Ddawoona, Apwiya yalamula enyumba dduullupalli ddineerokumuwa, dding'onong'ono ddineerotthattuwa matepe.

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Amosi 8:4

Amosi aallota wi, “Ngiiwani nndda, nyu munaanyingallella oopaneya, munapaalla owoononga oohoowa a mwiillaponimmu,

Mika 1:6

Sika Apwiya enallota wi, “Samariya kineeromutthattusa ntepe, nipuro noollimamo emata yampesa. Mallukwaaye kineerewaatathillella o ntapo nave matthipellwaaye kineerewaavuhulla.

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’

Levitiko 26:16

kineeroweerellani ddawoopiha moorurumusa, ereta ddoohichiriheya navettho ereta yooviha mwiilli yawoononga miittho ni yoofookiha okumi. Muneerewaalla mmiddo ddanyu koma khamuphuravo ello vawi adanaanyu eneeroddicha.

Yobu 20:19

Vawi ahaahoosa nave khaapwathille oohoowa, ahaakha enyumba nnddo ahimakilleeye.

Ezekiele 34:21

Munnaddittuulla ni oddikakhella okhwipi Ddoofooka, munnaddikhuddulla ni manyakaanyu nave muddimwaramwarella wuuteete.

Hoseya 9:2

Moomuputhella tirigu ni moovotellamo mpesa khedduukwakhwanellakani, vinyo musha aneerorama.

Amosi 2:7

Ennaanyingallella athu oohoowa, khenaapwatha naari vang'ono oopaneya. Muthu ni attiitthinnya ennakona ni kaporo aamutthiyana mmoddamoddave yooyo, ennanyaambusa nnddina naka naweella.

Amosi 9:14

“Kineerewaahokollosellattho athwaaka, Aisraele, o ellapwiiwa, eneeromakattho mizinda m'matepeni wi ekhallekemo, eneerollima emata ddampesa nave eneeromuwirya vinywiiwa, eneerollima emata nave eneerocha ezipaso ddiwa.