Amosi 5:10 - Mawu a Mulluku

¹⁰ Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,

Amosi 5:10 ပူးပေါင်းရင်းမြစ်များ

Yesaya 29:21

Mulluku aneerewaallaka awoottha, oovirikaniha echiweruzo yawoona ni oovelleella omboni wawoottha wi oohilakwa yeeruziwe moohilungama.

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

Yawuupullulla 11:10

Athu a va ellapo yavatthi eneerohakallalla ekaamba ya okhwa wa amboni eellaalla. Eneereweera ehakallallo ni orumihellana emphaso kaambiiwa anamallotella eellaayo yaanaahoosa athu a va ellapo yavatthi.

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Yohane 3:20

Vawi attheene eneera ddeko ddoonanara enniitana ni owala. Nave khenawa nko ori owala kaambiiwa khenapaalla wi mitteko ddiwa ddoonanara ddooneye.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.

1 Mamwene 18:17

Sika Ahabu amoonilleeye Eliya aallota wi, “We oomuhoosa Israele, ethiyo woophiya?”

Agalatiya 4:16

Ethiyo vano miyaano vawuulleellani yawoona kootthattuwa mudanaanyu?

Miyambo 15:12

Muthu oovevulla khanahakallalla ni ohumullulliwa nave khanaya wa athu eezeru.

Yesaya 59:15

Yawoona ennaramawo nave arive muthu ookhoota ddoonanara anniittatthamullella ekhoto.” Apwiya yaaddoona ddenndda nave ddahaananara wi echilungamo kheyiivo.

Yeremiya 38:7

Vano Ebedemeleki, Mukushi mmodda oohulliwa,* mullupa mutteko o enyumba yoomwene, ahiiwa wi Yeremiya aamuvokhella mwiihimeni. Enthawi yeeyo mwene ari o mullako wa Benjamini.

Hoseya 4:4

Apwiya enallota wi, “Nyu allupa mukutho oolleka, ahikhallevo anaavaanyihe erive ello, ahikhallevo anaamwiipe mullatu mukhwaaye vawi mullatu ori variyari va nyuwaano ni miyaano.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Levitiko 13:10

Mullupa mukutho amuwehesese. Akhalla ni yawiipa yaweella vamwiillini vaye eyo etthattusalle mapururu a vanipuronimvo okhalla aweella nave va yawiipeeyo vakhalla marohi,