Amosi 5:1 - Mawu a Mulluku

¹ Nyu a nibanja na Israele, ngiiwani mawu kinuulleelleemini dda nyuwaano moowinlla awi,

Amosi 5:1 ပူးပေါင်းရင်းမြစ်များ

Ezekiele 19:1

Apwiya yaakilleella wi, “Vano we wiipe nchipo nookhupanya, wiipella enduna piilli dda o Yerusalemu. Ollote mawu wi,

Yeremiya 9:17

Apwiya Amasiva Mattheene enallota wi, “Muganize phaama dda nnddo ddineereya. Muwiithane atthiyana awinlla maliro wi ewe, atthiyaneene eeruso yawinlla ewe.”

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Amosi 5:16

Sika ekaambiiwa Apwiya Mulluku Amasiva Mattheene enallotiiwa wi, “Muneerokhalla winlla m'mathatoni mutthemwene, m'misewuni mutthemwene ekuthove wi, ‘Kookhwa! Kookhwa!’ Naari athu shisha, oollima eneerowiithana wi yinlle, vamodda ni eeruso yawinlla vamalironi.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Amosi 3:1

Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Ezekiele 32:16

“Mawaaka eneerokhalla nchipo namaliro nave atthiyana eelleto eneeroyiipa omwinllella Iguputo ni mullokwaaye wakhoto muttheene. Mi Apwiya Mulluku koollota.”

Ezekiele 32:2

“We mwaana a muthu, omwiipelle nchipo na maliro mwene Farao a o Iguputo. Omwiipelle nchipo nawi, ‘Weyaano onnaddeesa mukango variyari va mitundu dda athu koma tti wonanko ekonya ya m'maaddini. Onneeta m'muhinjeni mwawo, onnuunttuwanyera maaddi ni manyallwaawo nave oonnaripiha mihinje.

Ezekiele 28:12

“We mwaana a muthu, ipa nchipo namaliro omwinllella mwene a o Tiro. Omulleelle wi Apwiya enallota wi, ‘Waari echisanzo ya oolungamesesa, eezeru ni ooreeresesa.

Ezekiele 27:2

“We mwaana a muthu, ipa nchipo namaliro a Tiro.

Ezekiele 26:17

Nave eneerekewiipa nchipo namaliro wi, ‘We muzinda woovuwa, wohoonongeya ddiidda, waari amasiva va enyanja, we ni athwaawo. We ni athwaawo mwaanawoopiha athu mukhwipi mwa enyanja.

Ezekiele 19:14

Munllo waakhara m'mutekhonimmo oshellelliha enthambi ni ezipaso ddiwa. Sika khonna nthimwa noopangella ekopo ya mwene.” Nenna tti nchipo nookhupanya nno niipiwa erive enthawi.

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Yeremiya 18:13

Apwiya enallota wi, “Akohe athu a mitundu ddimodda ddittheddene, aarimi arivo oyo aambilleke wiiwa ddenndda. Israele olle aari wonanko namwalli, oheera yoonanara wunchichi.

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”