Amosi 4:8 - Mawu a Mulluku

⁸ Athu a mizinda miilli apaalle miraru yaanaya o muzinda mmodda wi yaashaashe maaddi koma kheyaakwakhwanella. Komave khemwaahokollweelle wa miyaano. Mi Apwiya koollota.”

Amosi 4:8 ပူးပေါင်းရင်းမြစ်များ

Amosi 4:6

“Tti miyaano kuurumihelleni ettalla m'mizindani ddanyu ddittheddene ni orama wa ddoocha m'mapuroni mwanyu mutthemwene koma khemwaahokollweelle wa miyaano. Mi Apwiya koollota.

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

1 Mamwene 18:5

Sika Ahabu aamulleella Obadiya wi, “Khawe weetelle ellapo ettheene, wawoone aneetuutu attheene ni matapo mattheene, mwaamodda ttuuphwanyawo munyepu woochihella akavalo ni enyuru* wi ekhalle ni okumi.”

Mika 6:14

Muneerekoocha koma khamuvonaka, ettalla kheyuumallellakani. Muneerekosunga ddeko koma khaddisungeyaka. Nnddo munaasungeenyu ddineerewoonongiwa ni ekhoto.

Hoseya 7:10

Aisraele ennavaanyihiwa ni wiitukhulla wiwa. Koma va ddittheddenenndda khenahokollweella wa Apwiya Mullukwiiwa, khenawaashaasha.

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Yeremiya 3:7

Kaganiza wi amalliha weera ddenndda aneerohokollweella wa miyaano koma khaahokollowille. Vano Yuda, mwanamunne oohiroromelleyoolle, aaddoona ddennddo.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Hoseya 11:5

“Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.

Hagai 2:17

Kahoononga mmiddo ddaanyu ddittheddene ni ephevo, nkhuwawe ni marallalla komave khamwaaganizalle ddoorukunuwa murima, Mi Apwiya koollota.