Amosi 4:7 - Mawu a Mulluku

⁷ Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.

Amosi 4:7 ပူးပေါင်းရင်းမြစ်များ

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Eksodo 9:26

Marallallaayo kheyaamorellewo o ellapo ya Gosheni, nko wakhalla Aisraele.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Yakobo 5:17

Namallotella Eliya aari muthu wonanko hiyaano nave aavekella moollipiha wi murimu ahirupe nave murimooyo khaarupalle va miyakha miraru ni hafu.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Eksodo 10:23

Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.

Eksodo 9:4

Koma eneerohiyaniha variyari va eziweto dda Aisraele ni dda Aiguputo. Sika kheyiivo naari echiweto emodda ya Aisraele enaakhwe.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

Yohane 4:35

Khamunallota nyuwaano wi, ‘Vavira miyeri misese enthawi yoohata ennaphiya?’ Nave kinimuulleellani wi, muwehesese m'matani, mmiddo ddoowaraalla khalle wi ddihatiwe!

Zekariya 14:17

Mutundu mmodda wakhoota oyaawo wi wamullapelle mwene, Apwiya Amasiva Mattheene murimu kharupaka variyari viwa.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yeremiya 14:4

Vatthi vookhalla mitthari vawi khewuri murimu, Oollima ennawulliwa muru, aawaaramella vatthi.

Deuteronomo 11:17

kaambiiwa Apwiya eneerewuushellani murima, eneerowiimanani murimu nave ethaya eneerewumma sika khamuhataka ddeko. Nave muneerewoonongeya mwawaakuva mwiillaponi yamukaka ni enwi eyo Apwiya enuuvahiiwani.

Eksodo 8:22

Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella.

1 Akorinto 4:7

Ttaani aweerilleni nyuwaano uullupalli a athu amodda? Khahiyo Mulluku uuvahilleni erive ello muriinyuna? Vano muniitukhullella tini, wonanko eyo muriinyuna khe emphaso?

Eksodo 10:22

Sika Mose aatukhullella nnatta naye muddullu nave waamora epiphi yawoopiha wunchichi wa mallapo mararu mu ellapo ettheene.

Yeremiya 14:3

Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.