Amosi 4:6 - Mawu a Mulluku

⁶ “Tti miyaano kuurumihelleni ettalla m'mizindani ddanyu ddittheddene ni orama wa ddoocha m'mapuroni mwanyu mutthemwene koma khemwaahokollweelle wa miyaano. Mi Apwiya koollota.

Amosi 4:6 ပူးပေါင်းရင်းမြစ်များ

Hagai 2:17

Kahoononga mmiddo ddaanyu ddittheddene ni ephevo, nkhuwawe ni marallalla komave khamwaaganizalle ddoorukunuwa murima, Mi Apwiya koollota.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Yawuupullulla 2:21

Koomuvaha enthawi yawi arukunuwe murima koma khanapaalla ohiya oraruwa waye.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Levitiko 26:26

Kineeromuyeviha buledaanyu a nllapo ni nllapo ophiyera atthiyana khumi eneerekomwaapeya buledi mu ufuni mmodda. Nave eneerewuukawellani buledooyo vang'ono vang'ono. Sika muneerekoocha koma woohivona.

Ezekiele 16:27

Kahuullaka ni nnatta naka nave kahuuyevihella ellapwaawo. Kahuuhiya m'mattani mwa adanaawo, Afilisti ayo yawulliwa muru ni makhallellwaawo oonanara.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yesaya 3:1

Vano Apwiya, Mulluku Amasiva Mattheene, ehanlle vakhuviru omwaakha Yerusalemu ni Yuda nirive nikavihero nno athu enaroromelliiwa. Eneerewaakha yoocha ettheene ni maaddi mattheene,

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

2 Mamwene 8:1

Elisha aari amulleellille mutthiyana olle amuvenyihelleeye mwanaye wi, “Timulla ni a va nibanja nawo wakhalle orive weko onaaworeewe vawi Apwiya enimawaana ettalla ya miyakha mitthanu ni miilli va ellapo.”

2 Mamwene 4:38

Nave Elisha aahokollweella o Giligala koma mwiillaponimmo mwaakhalla ettalla. Nllapo nimodda Elisha ahuddihaka mulloko wa anamallotella nave viviralle enthawi, aamulleella a muttekwaaye wi, “Eya ekarikho yuullupalli viikho, owaapeyelle yoocha a m'mulloko wa anamallotellaalla.”

1 Mamwene 18:2

Sika Eliya aatimulla addoonihella wa Ahabu. Enthawi yeeyo ettalla yaari ekatamihalle o Samariya.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Deuteronomo 28:38

Muneerewaalla ddinchichi koma munaahateke vang'ono kaambiiwa middope sika ddinaacheke.

Yeremiya 14:18

Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Yowele 1:16

Khaninna yaweera vawi yoochaahu yohoonongeya, ohakallalla khawiiwo naari vang'ono o enyumba ya Mullukwaahu.

Levitiko 26:23

“Mwaahihokollweella wa miyaano kuullakilleni ddiidda nave mwavirellella weera ddoovaanyihana ni miyaano,

Rute 1:1

Enthawi emodda Aisraele yalamulelliwiiwa ni oweeruza, mwaakhalla ettalla mwiillaponimmo. Sika muthu mmodda a o etawoni ya Betelehemu o echigawo ya Yuda aaya ni mwaariye owaaka anaaye aallopwana eelli wi yakhalle wa enthawi yooyeva mu ellapo ya Mowabu.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Hoseya 11:5

“Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.