Amosi 4:5 - Mawu a Mulluku

⁵ Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Amosi 4:5 ပူးပေါင်းရင်းမြစ်များ

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Masalimo 81:12

Sika kahaahiya ni mirima ddiwa ddawuumannddo wi ethwareke nnddo yapaalliiwa.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Mateyu 23:23

“Nyu, awoottha, ahuddihi a malamulo ni Afarisi, mookhalla ni otulli! Munnavelleella dda khumi dda ddoomella dding'onong'ono ddooddiviha yoocha. Koma munahiya wiiwellella mahuddero oopaalleya a malamulo amoddaalla, weeruza mwa echilungamo, weerella echifundo ni okhalla moororomelleya. Munaphwanella wi mweereke ddenndda oohihiya ddimoddannddo.

Mateyu 15:9

Khaddinna mutteko wi ekillapelleke, kaambiiwa enahuddiha malamulo a athu wonanko tti malamulwaaka.’ ”

Levitiko 23:17

Nirive nibanja niweena mitthi miilli dda buledi nave miillinnddo ttuuwaana wonanko yoovelleella yootukhullella muddullu vamiitthoni va Apwiya. Orive mwitthi okhalle wookwakhwana makilogaramu meelli a othu waphaama nave wawoosiwa moottakanyihera ni yisiti wi ddikhalle dda ddoohata ddawaamba ddoovelleella wa Apwiya.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 7:10

Vatulli viwa munniimella vamiitthoni vaka mu enyumba eyo enadduwanyeya ni nnddina naka. Munallota wi, ‘Noovulluwa,’ koma munnavirellella weera ddoonanara ddittheddenenndda.

Amosi 5:21

Apwiya enallota wi, “Kinniitana nave kinnanyaambusa ehakallallo ddanyu, mitthukumano ddanyu ddamallapello nginahakallallana.

Amosi 5:22

Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Yesaya 1:1

Masomphenya a Yesaya mwaana a Amozi ayo oonilleeye oollota dda Yuda ni Yerusalemu mu enthawi ya olamulello wa Uziya, Yotamu, Ahazi ni Hezekiya, mamwene a o Yuda.

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.