Amosi 4:13 - Mawu a Mulluku

¹³ Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Amosi 4:13 ပူးပေါင်းရင်းမြစ်များ

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Mika 1:3

Ngoonani, Apwiya enimawa ovenyera o nipuro niwa, enakittha vatthi eneeta va mapuro aweellesesa a va ellapo yavatthi.

Amosi 9:6

ennamaka mapurwiiwa ookhallamo oddullu, ennahiyera murapo wonanko eddullu ya ellapo yavatthi, enniithana maaddi a o enyanja wi ewiithelle va ellapo yavatthi, nnddina niwa tti Apwiya.”

Yesaya 47:4

Aweella a Israele sika Oonoopollaahu, nnddina naye tti Apwiya Amasiva Mattheene.

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Masalimo 65:6

Nyuwaano mwahooniha masivaanyu, vookeraatthihani miyaango, voowaapheelliwani ni ekophollo.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Amosi 8:9

Apwiya Mulluku enallota wi, “Va nllapo nenno kineeroripiha nndduwa otthaana, kineeromoriha epiphi va ellapo yavatthi nndduwa niikimoopa.

Yeremiya 51:19

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene. Apwiya enallota wi,

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Yesaya 40:12

Ethiyo ttaani eesille waata wa maaddi a mu enyanja ni nnatta naye apaalle orekama wa muddullu ni muwonwaaye? Ethiyo ttaani eesille ethaya ettheene ya ellapo yavatthi ni mutaanga apaalle ollemella wa miyaango ni asimiyaango vasikeloni?

Deuteronomo 32:13

“Yahaalamulelliha ellapo ddamiyaango, yaacha ddoomella ddamuhakani. Yahaachiha enwi yam'mallukuni, ni makhura oovenyera m'miteekhoni ddoomella m'mallukuni.

Eksodo 14:20

Opoto amurapo aari variyari va Aiguputo ni Aisraele. Vano opoto amurapo aawiiha epiphi wa Aiguputo nave aawiiha owala wa Aisraele, mwawi milloko miillinnddo kheddaawaatamanne mahiiyu mattheene.

Eksodo 10:22

Sika Mose aatukhullella nnatta naye muddullu nave waamora epiphi yawoopiha wunchichi wa mallapo mararu mu ellapo ettheene.

Yohane 3:8

Ephevo enoopella nko enapaalliiwa nave onniwa moopellwiiwa koma khonadduwella nko enavenyeriiwa naari nko enayiiwawo. Emoddamoddave yeeyo enaphwanaphwana ni arive muthu oyo anayariwa wiilli mwa Munepa Waweella.”

Habakuku 3:19

Apwiya Mulluku sika masivaaka, ennallipiha manyallwaaka wonanko a epaalla, ennakeetiha va mapuro aweellesesa.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Amosi 5:27

Vano kineerewuurumihani wuukaporoni wuuteete ni muzinda wa Damasiko.” Mi Apwiya Mulluku Amasiva Mattheene koollota.

Amosi 3:13

“Ngaapellani maaru, muwiipe mullatu a munibanjani na Yakobo.” Mi Apwiya Mulluku Amasiva Mattheene koollota.

Yeremiya 51:16

Apwiya yallota, onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Yeremiya 10:13

Alliwa yallota onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

Yesaya 5:30

Nllapo nenno eneerothuruma wonanko enyanja. Nave mmodda voowehani ellapweeyo anoone epiphive ni ddookatamiha vawi naari owala oneerotthattuwa epiphi ekaamba ya mirapo.

Masalimo 147:18

Yalamula wi ddivenyevo, ddinnattotthowa, yoopiha ephevo, maaddi enneeta.

Masalimo 139:2

Munnadduwella kaakeraatthiki, kaavenyaka, munnadduwella maganizwaaka muri wuuteete.

Masalimo 135:7

Tti alliwa enakhumiha mirapo wookomella ellapo yavatthi, enasherimiha ettari wi eweena murimu, enoopiha ephevo ovenyera mu moosungellamo mwiwa.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Daniele 2:30

“Yoovittheyeella yuupullullelliwe wa miyaano, ohiri ekaamba yawi kiri eezeru waakhwaranya athu amodda attheene koma wi nyu amwene mudduwelle ottaphullella wiwa nave mudduwelle maganizo ayo evollowille m'murimani mwanyu.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Yobu 9:7

Olliye ttuulamula nndduwa wi nihikhume, ttuuhiiha etheneeri wi ddihiwale mahiiyu.

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.