Amosi 4:10 - Mawu a Mulluku

¹⁰ “Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Amosi 4:10 ပူးပေါင်းရင်းမြစ်များ

Deuteronomo 28:60

Eneerewuumorihellani ereta ddittheddene dda o Iguputo nndde mwaddooveenyu nave ddineerowummellellani.

Yowele 2:20

Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

2 Mamwene 13:7

Enthawi yeeyo Yehowahazi khaarina mulloko wakhoto muullupalli. Aari ni akhoto 50 oowella va akavalo, magareta khumi ni akhoto 10,000 aweeta vatthi vawi mwene a o Siriya aari awoonongille khalle akhoto anchichi ni waatthattusa nthupi.

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Deuteronomo 7:15

Nave Apwiya eneerewuutetezani o erive ereta. Alliwa kheyaakhullella wi ereta ddawoopiha dda o Iguputo munaddidduwelleenyunndde dduumorelleni koma anaaddimorihelle va adanaanyu attheene.

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Amosi 4:6

“Tti miyaano kuurumihelleni ettalla m'mizindani ddanyu ddittheddene ni orama wa ddoocha m'mapuroni mwanyu mutthemwene koma khemwaahokollweelle wa miyaano. Mi Apwiya koollota.

Yeremiya 18:21

Koma vano allakeni aniiwa ni ettalla ni ekhoto. Awariwa ekhalle anaamukhwelle, ehikhallena anamwani. Amamuniwa ekhwe ni mullilli nave asombwiiwa ekhwe ni nsupada okhotoni.

Yeremiya 11:22

Sika Apwiya Amasiva Mattheene enallota wi, “Kineerewaallaka! Asombwiiwa eneerewiiphiwa okhotoni nave aniiwa aallopwana ni aatthiyana eneerokhwa ni ettalla.

2 Mamwene 13:3

Sika Apwiya yahaashella murima Aisraele nave wiilliwiilli yahaakhullella wi Hazaele mwene a o Siriya ni Benihadadi mwaana a Hazaele yaagonjihe.

Deuteronomo 28:22

Apwiya eneerewuullakani ni ereta ddoovahana, ddawiipawiipa ni ddooviha mwiilli. Aneerewuurumihellanittho nndduwa nawoopiha, ettalla, ephevo ni nkhuwawe ddawoononga mmiddo ddanyu. Ddineerewuuthwarani ophiyera moonongeyille ni okhwa attheenenyu va enthawi yooyeva.

Levitiko 26:16

kineeroweerellani ddawoopiha moorurumusa, ereta ddoohichiriheya navettho ereta yooviha mwiilli yawoononga miittho ni yoofookiha okumi. Muneerewaalla mmiddo ddanyu koma khamuphuravo ello vawi adanaanyu eneeroddicha.

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Yeremiya 48:15

Yawoononga Mowabu ni mizinda ddaye oophiya, asombwaaye akitthi eneerewiiphiwa yiiphiwe. Mi mwene, Apwiya Amasiva Mattheene, koollota.

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 15:3

“Kineerewaamorihella ddeko ddiraru wi ddiwoononge monga nsupada noowiipha, anapwa oolluma, epallame ni enama ddamuhakani wi ddiwiiphe ni waattakhuna.

Yeremiya 9:22

Apwiya yaakilleella wi killote wi, ‘Mitembo dda athu ddineeromora wonanko manyowa m'matani, wonanko mitolo ddoohiyiwa ni athu oohata koma khaavo anaadditote.’ ”

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

2 Mamwene 10:32

Mallapo yaayo Apwiya yahaamba oyeviha ellapo ya Israele. Mwene Hazaele a o Siriya aagonjiha echigawo ya Israele.

2 Mamwene 8:12

Vano Hazaele aamukoha wi, “Apwiyaaka, muninllella tini?” Olliye aamwaakhulla wi, “Kaambiiwa kinnadduwella ddoonanara nnddo munaweerelleenyu Aisraele. Muneerohella mipanda ddiwa ddakhoto nave muneerowiipha akhotwiiwa anchichi. Muneerewaanyingallella aniiwa nave muneerewaaphulla awariwa oorupalla.”

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 10:27

Koma Apwiya yaamummihave murima Farao nave khaawaakhullelle athwaayo wi evenyewo.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Eksodo 9:17

Koma onimaanyaambusave athwaaka, vawaakhootihani wi evenyewo.

Eksodo 9:12

Koma Apwiya yaamummihave murima Farao sika khaawiiwellelle Mose ni Aroni moollikana ni mmo Apwiya yallotelliiwa.

Deuteronomo 28:21

Eneerewuumorihellani ereta ddoothwaranathwarana ophiyera mutthollowille attheene mwiillaponi munaawaakheenyu.

Yesaya 9:17

Ekaamba ya yeella Apwiya khewa ehakallalla ni asombwe nave kheyaamoriwella ethakaraka akhwaadduni ni anamukhwelle, vawi arive muthu khanapwatha dda Mulluku, tti oochimwa nave anallota ddoonanara. Komave osha murima wa Apwiya khonaamallelle. Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe.

Yesaya 34:3

Mitembo dda awiiphiwa enaadditathillelle otte nave ddineerewunta ni wunkha navettho miyaango ddineerofiira ni nikhame.

Yesaya 50:11

Ngoonani, attheene nyu munaviddeella munllo, ni okhariha ekhuni wi moononge, vollowani m'munllonaanyu yooyo, etani variyari va ekhuni mwakharihalleenyu. Muneerokhalla mu ddoohoosa, mi Apwiya sika kinuumorihelleni.

Yeremiya 49:26

Sika ekaambiiwa asombwaaye eniikuhellekiiwa m'mathatoni mwaye nave akhotwaaye attheene eneerewoonongiwe nllapo nenno. Mi Apwiya Amasiva Mattheene koollota.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Hoseya 11:5

“Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.

Hagai 2:17

Kahoononga mmiddo ddaanyu ddittheddene ni ephevo, nkhuwawe ni marallalla komave khamwaaganizalle ddoorukunuwa murima, Mi Apwiya koollota.