Amosi 3:9 - Mawu a Mulluku

⁹ Ollalleye wa athu ookhalla o mipanda ddoollipa dda Ashidodi navettho wa ookhalla mu mipanda ddoollipa dda o Iguputo wi, “Mutthukumane omiyaangoni dda o Samariya, moone ddoovirikana dduullupalli ni ddoonyingallella ddineereya wenko.

Amosi 3:9 ပူးပေါင်းရင်းမြစ်များ

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Amosi 1:8

Kineerewaavenyihamo ookhalla mu Ashidodi navettho oyo anaalamulelleke o Ashikeloni. Kineerewoononga muzinda wa Ekeroni ni nnatta naka nave Afilisti oohalla eneerewoonongeya.” Mi Apwiya Mulluku koollota.

Amosi 8:6

wi oohoowa naakulle ni makobiri asiliva, wi oopaneya naakulle ni esapato, wi nimukullihe tirigu ni mallulleene?’ ”

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yeremiya 31:5

Muneerollimattho emata yampesa va miyaango dda Samariya. Oollima eneerewaalla mpesa nave eneerocha ezipaso ddiwa.

1 Samuele 5:1

Afilisti yaakhilliiwa nibokosi na echipanganonno, yaanitukhulla ovenyera o Ebenezeri ophiyana o Ashidodi.

Ezekiele 37:22

Kineerewaatthattusa amodda mwiillaponimmo, o miyaango dda Israele nave eneerokhalla ni mwene mmodda. Khekhalla mitundu miilli apaalle okawaneya mamwene meelli.

Ezekiele 36:8

Koma nyuwaano miyaango dda o Israele, muneerophuwattho enthambi nave athwaaka Aisraele muneerowimmihella ezipaso vawi eri vakhuviru ohokollweella owaniwa.

Yeremiya 46:14

“Mullalleye o Iguputo, o Migidoli, o Memfisi ni o Tapanesi. Alleelleni athu a wenko wi, ‘Imellani vanipuroni vanyu nave mukhozeke, vawi ekhoto eneerowoononga ddittheddene muriinyuna.’

2 Samuele 1:20

Muhinallalleya ddenndda o Gati, muhinanivuwiha m'misewuni dda Ashikeloni wi atthiyana a Afilisti, oohiphaddiwa, ehinittheye.”

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Miyambo 1:13

Vano nineerophwanya ddeko ddinchichi ddoowallamella mutengo, enyumba ddahu ddineeroddalla ni ddawaakha.

Miyambo 11:16

Mutthiyana awiithaalla annariiheya koma athu eekuku yayiwa tti eyuuma.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Amosi 6:3

Khamunaakhullella ddawi nineerophiya nllapo noollaka koma ddaweera ddanyu ddinimaakuviha enthawi ya echiwawa.

Mika 6:10

Ethiyo mi ttuutiwalla eyuuma ya mu enyumba dda oonanara eyo yayiphwanyilliiwa moolleka ni yoolingella yawoottha eyo kiniitaneemina?