Amosi 3:7 - Mawu a Mulluku

⁷ Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Amosi 3:7 ပူးပေါင်းရင်းမြစ်များ

Yohane 15:15

Nginaweeranittho allupa mutteko kaambiiwa mullupa mutteko khanadduwella eyo apwinnya eneeriiwa. Koma kinaweerani akhwaaka kaambiiwa kohuulleellani ddittheddene kiiwalleemi ovenyera wa Attiitthaaka.

Genesis 18:17

Nave Apwiya yaallota weekhiiwa wi, “Abrahamoolla ngimukhuwella eyo kinapaalleemi weera.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Daniele 10:21

Koma kineerewuulleella nnddo ddilembiwe mu nibukhu na yawoona. Khaavo mmodda anaawore okikavihera ohiri Mikaele, mungelwaanyu muullupalli.”

Yeremiya 23:22

Yakhanlleke ni miyaano va mutthukumanwaaka, yaaweerollalleya mawaaka wa athwaaka ni waavenyihamo athwaaka mu ettilla ddiwa ddoonanara wi ehiye machimwiiwa.”

Yawuupullulla 1:19

Vano onaphwanella wi olembe mu nibukhunna ddeko ddittheddene onooneewe, ddineereya owaakattho dda ddeko nnddo ddineereye muhoollo.

Daniele 11:2

“Vano kineerewuulleella yawoona. O Persiya oneerokhalla mamwene mararu. Vatulli viwa oneerokhalla mwene aneesese, eeyuuma yinchichi waakhwaranya amodda attheene. Aneerokhallattho ni masiva ekaamba ya eyuumaayeeyo. Aneerewaavenyiha attheene wi ewane ni omwene wa Griki.

2 Mamwene 22:13

“Khaweni mwaakohe Apwiya munipuroni mwaka ni mwa athu a mu ellapo ettheene ya Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

2 Mamwene 6:12

Mmodda mwa endunannddo ahaakhulla wi, “Apwiya, khaavo naari mmodda, apwiya. Koma Elisha namallotella a o Israele sika anamulleella mwene a o Israele mawu ayo munalloteenyu okhwipi muchipindani mwanyu.”

2 Mamwene 22:20

Sika kineerowaakhullella wi okhwe mwamurendelle ni ovitthiwa vamodda ni makhollwaawo. Mwawi miitthwaawo khewa yoonaka ddoonanara nnddo kinaaweemina va muzindoolla.’ ” Sika athwaalle yaahokollowa eya yallota mawu yaayo wa mwene.

Yawuupullulla 10:7

Nave mungelo aneetthanu ni piilli oopa nipallapata naye, vano Mulluku aneerokwakhwaniha yoolingaaye yoovittheya ollikana ni nnddo allotilleeye mwa oorumeyellaaye, anamallotella.”

Ezekiele 29:21

“Va enthawi yeeyo kineerewaavaha Aisraele masiva masha nave weyaano Ezekiele kineerewuuworiha ollota variyari viwa. Vano eneerodduwella wi mi tti Apwiya.”

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

1 Samuele 9:15

Koma oddillo, Saulo ahinaphiye, Apwiya yaamuwululella Samuele wi,

Yesaya 18:4

Vawi Apwiya yaakilleella wi, “Ovenyera onipuroni waka kineeroweha vatthi mwawiithaalla wonanko nndduwa ninoopelliiwa enthawi yooviha apaalle mmo nikame ninimmelliiwa mahiiyu va enthawi yoohata.