Amosi 3:5 - Mawu a Mulluku

⁵ Ethiyo epallame ttuukoliwa vamusamphani vihiri enyambo? Ethiyo musampha ttuukashuwa ohikolille ello?

Amosi 3:5 ပူးပေါင်းရင်းမြစ်များ

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

Daniele 9:14

Nyu Apwiya Mullukwaahu, ekaamba ya yeella mwaakhozekella onimorihella otulli yoolla nave woonimorella. Nyu Apwiya Mullukwaahu, muri oolungama va ddittheddene mweerilleenyu komave hiyaano khaniiwellenlle mawaanyu.

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

Masalimo 140:5

Athu awiitukhulla aakireya musampha mwawiipittheya, nikwekwe, millapa mukhwipi mwa ettilla.

Amosi 3:4

Ethiyo mukango ttuuthuruma muutthakoni ohinaphare enama, apaalle ttuuwinlla munikhunguni mwiwa ohinaphare ello?

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?