Amosi 3:14 - Mawu a Mulluku

¹⁴ “Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Amosi 3:14 ပူးပေါင်းရင်းမြစ်များ

2 Mamwene 23:15

Yosiya aakumullattho nikuwa na o Betele nno Yerobowamu mwaana a Nebati, amakilleeye va nipuro noollapellamo mafano. Yerobowamooyo ahaachimwiha Aisraele ni nikuwa nenno. Yosiya aanikumulla apwesattho mallukwiiwa ni waasilla ophiyera ahaatthattusa nthupi nave ahoosattho mafano a Asherimu.

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”

2 Epilli 31:1

Ddittheddene ddimanlle, Aisraele attheene yaphwanyeyevo yaaya o mizinda dda Yuda yaakumulla apoto oopatuleya, yinttaka mafano a Asherimu ni woononga mapuro oollapellamo mafano ni makuwa o ellapo ddittheddene dda Yuda, Benjamini, Efuremu ni Manase ophiyera yaadditthollosa ddittheddene. Vatulli viwa Aisraele attheene yaahokollweella o mizinda ddiwa, arive muthu owaniwa.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Amosi 2:8

Virive veko voollapellavo ennakonella ddoowara yaakhenlliiwa monga echikole ovenyera wa oohoowa. Mu enyumba ya Mullukwiiwa ennamuwirya vinyo emwaakhilliiwa ovenyera wa athu yakongonre makobiriiwa.

Amosi 4:4

“Waani o Betele, onipuroni naweella wi muchimwe, mwaanjerere ddoolakwa ddanyu o Giligala. Muweekena mikutho ddanyu orive ohinase ddaneekhumi ddanyu erive mallapo mararu.

Amosi 7:10

O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Amosi 7:13

Koma ohiye ollotellattho o Betele vawi tti nipuro noollapellawo mwene navettho tti nipuro noopaalleyesesa na mwiillaponimmu.”

Amosi 7:9

Mapuro oollapellamo a Isaki eneerewoonongiwa, enyumba ddoollapellamo dda Israele ddineerotthattuwa ntepe, kineerowukila nibanja na mwene Yerobowamu ni nsupada.”