Amosi 3:10 - Mawu a Mulluku

¹⁰ Khenadduwella weera echilungamo, yoodduukellella eyuuma oweella mu waakha ni wiiya.” Mi Apwiya koollota.

Amosi 3:10 ပူးပေါင်းရင်းမြစ်များ

Zefaniya 1:9

Va nllapo nenno kineerewaallaka attheene oollapella wonanko athu eelleto ni ayo enaphwanya eyuuma mwa ekuku ni moolleka wi eddallihe enyumba ya apwiiwa.”

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

2 Petro 3:5

Enatiwalla phudda ddawi khalle Mulluku mwawi malamula, aaphatusa oddullu ni ellapo yavatthi. Ellapo yavatthi yaaphatusiwa ovenyera omaaddini, mu ettilla ya maaddi,

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Amosi 5:7

Otulli wa ayo enakhoromaniha echilungamo, enanyaambusa ddoolungama.

Yeremiya 5:4

Sika kaallota wi, “Alla tti ohoowa, khenna naari ezeru, khenadduwella ettilla ya Apwiya, kheniiwesesa nnddo Mullukwiiwa anapaalleeye.

Ezekiele 8:17

Apwiya yaakikoha wi, “We mwaana a muthu, ethiyo onnaddoona ddenndda? Ayuda kheddinaakwakhwana ddoonanara eneeriiwanndda. Koma enavuwihattho ddakhoto mwiillaponi ettheene. Vano ennattatthamulla owallaaka, ennakishiha murima ni ddaweera ddiwa.”

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Ezekiele 22:29

Athu a mwiillaponimmo ennaahoosa akhwiiwa navettho enniiya. Ennaahoosa athu oopaneya ni oohoowa. Ennaakatamiha alleto voohiweerellani ddeko moolungama.

Amosi 6:3

Khamunaakhullella ddawi nineerophiya nllapo noollaka koma ddaweera ddanyu ddinimaakuviha enthawi ya echiwawa.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Mika 6:10

Ethiyo mi ttuutiwalla eyuuma ya mu enyumba dda oonanara eyo yayiphwanyilliiwa moolleka ni yoolingella yawoottha eyo kiniitaneemina?

Yobu 20:21

Erive ello ariiyena annayicha, sika eyuumaaye khekonella.

Miyambo 1:13

Vano nineerophwanya ddeko ddinchichi ddoowallamella mutengo, enyumba ddahu ddineeroddalla ni ddawaakha.

Miyambo 11:16

Mutthiyana awiithaalla annariiheya koma athu eekuku yayiwa tti eyuuma.

Miyambo 28:5

Athu oonanara kheniiwesesa echiweruzo koma ayo enawaashaasha Apwiya enniiwesesa wunchichi.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.