Amosi 3:1 - Mawu a Mulluku

¹ Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Amosi 3:1 ပူးပေါင်းရင်းမြစ်များ

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Mika 3:1

Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?

Yeremiya 8:3

Athu attheene oohalla mwa athu a mutundu woonanaroolla, orive weko kiwiikarilleemiwo eneerotthoolla okhwa okhwaranya wi eneerovirellella okhalla ni okumi. Mi Apwiya Amasiva Mattheene koollota.”

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Yesaya 48:12

Apwiya enallota wi, “Nyu Yakobo ni Israele, kaapelleni maaru, nyuwaano ayo kiwiithanilleemini. Miyaano sika Mulluku, kiri awaambeella ni oomallihella.

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

Yawuupullulla 2:29

“Ngiiwani vano mwaarina maaru awiiwana ddinallota Munepa Waweella wa mipingo!”

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Yesaya 46:3

“Nyu edduullu dda Yakobo, kiiwellelleni, nyu attheene oohalla a mu nibanja ya Israele. Kohuupwathani ovenyera eyariwellwaanyu, kahuutukhullani waambeella m'mirimani mwa ameenyu.

Yeremiya 13:11

Wonanko ekuwo enaangellella muyuununi mwa muthu, emoddamoddave yeeyo, kaakeraatthiha wi nibanja nittheene na Israele ni na Yuda nikiwanddeellelle wi attheene ekhalle athwaaka wi ellapelleke ni otitimiha nnddina naka koma alliwa kheyiiwellelle.”

Mika 2:3

Sika Apwiya enallota wi, “Ngoonani, kineerewuumorihellani otulli ekaamba ya ddoonanaranndda. Kineerewuumakellellani nigoli* munikohini mwanyu nno muhinaaworeenyu onirulla. Khamuwa mweetattho mookota ekaamba yawi enthawi yeeyo enaakhalle yoonanara.

Zefaniya 2:5

Otulli nyu okhalla ellapo ya o enyanja, nyu mutundu wa Akeretinu! Nyu athu a o Kanani, ellapo ya Filisti, mawu a Apwiya ennuuhumullullani wi “Kineerowoonongani attheene khavihalla naari muthu mmodda.”

1 Epilli 16:13

nyu edduullu dda oorumeyelliiwa Israele, anamwani a ootthoolliwiiwa Yakobo.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Amosi 5:1

Nyu a nibanja na Israele, ngiiwani mawu kinuulleelleemini dda nyuwaano moowinlla awi,