Amosi 2:8 - Mawu a Mulluku

⁸ Virive veko voollapellavo ennakonella ddoowara yaakhenlliiwa monga echikole ovenyera wa oohoowa. Mu enyumba ya Mullukwiiwa ennamuwirya vinyo emwaakhilliiwa ovenyera wa athu yakongonre makobiriiwa.

Amosi 2:8 ပူးပေါင်းရင်းမြစ်များ

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

1 Akorinto 10:21

Khamuwora omuwiryella kapu a Apwiya navettho kapu a minepa ddoonanara. Khamuwora ochella va tebuloa Apwiya navettho va tebulo a minepa ddoonanara.

1 Akorinto 10:7

Nihillapelleke mafano wonanko amodda a yaayo. Vawi mawu a Mulluku enallota wi, “Athu yaayo yaakeraatthi wi eche ni owirya nave yaavenya yiina.”

1 Akorinto 8:10

Erimakhalla wi muthu ookhalla ni yawuupusella murima yoofooka, oowoona weyaano, muthu oodduwella, ochaka mu enyumba ya nifano, yeella khemullipiha mwiilli ocha yoocha yooheraatthiwa wa mafano?

Amosi 6:4

Otulli wa nyu munakona vamabedini ooreerihiwa ni manyaka eethepo, munaddookolla va mipando ddanyu, mweeraka machellello a enama yaasaanaankhosa ni yaasaanaang'ombe ooneneva.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Hoseya 4:8

Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

Ezekiele 23:41

Yaanakeraatthi vabedini ooreera nave vahoollo viwa vaanakhalla tebulo. Vatebulonimvo yaanahiyavo lubani* ni makhura ayo kaavaheemi.

Ezekiele 18:12

owaahoosa oohoowa ni oopaneya, awaakha, oohihokollosa echikole ya oyo amukongolihalleeye makobiri, oollapella mafano nave aweera ddoonanara,

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.

Yesaya 57:7

Va orive mwaango ni mwanamwaango munnamuhiyavo bedi ooraruwellavo, wenko munnavelleellawottho mukutho.

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Amosi 3:14

“Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Eksodo 22:25

“Wamukongoliha makobiri muthu oohoowa variyari vawo, oheereke wonanko eneerelliiwa aniihu ookongoliha makobiri, ohimuwatihere ovelleella makobiri awoonjereravo.