Amosi 2:7 - Mawu a Mulluku

⁷ Ennaanyingallella athu oohoowa, khenaapwatha naari vang'ono oopaneya. Muthu ni attiitthinnya ennakona ni kaporo aamutthiyana mmoddamoddave yooyo, ennanyaambusa nnddina naka naweella.

Amosi 2:7 ပူးပေါင်းရင်းမြစ်များ

Amosi 5:12

Mi kinnadduwella waata wa machimwaanyu, wunnuwa wa ddoolakwa ddanyu. Nyu tti adani a athu oolungama, munnaakhella ddamukaphwani, munnavirikaniha millatu dda oohoowa.

Ezekiele 22:11

amodda ennararuwa ni awara a akhwiiwa, amodda ennakonana ni avokohiiwa, amoddattho ennakonana ni arokoriwa, anamwani a attiitthiiwa.

Yesaya 10:2

Alliwa ennahollosa malamulo vaweeruzani oohoowa moohilungama. Ennawaakha ddawaaphwanella athwaaka nave ennatthukumaniha dda anaamukhwelle ni owiiyera akhwaadduni.

1 Akorinto 5:1

Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

Mika 2:9

Munnaakhumiha mu enyumba ddiwa dda vamurimani awariwa a athwaaka nave aniiwa munnavirellella owaakha madaliswiiwa.

Mika 2:2

Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

Aroma 2:24

Mawu a Mulluku eni, “Athu ayo ehiri Ayuda ennamullotella epewe Mulluku ekaamba ya nyuwaano Ayuda.”

Zefaniya 3:3

Enduna ddaye ddaanathuruma muwari mwiwa wonanko mikango, aweeruzaaye yaari wonanko akhatwe aweeteeta misikuwa, oohihiya nikhuva wi niphiyere ohinase.

Amosi 8:4

Amosi aallota wi, “Ngiiwani nndda, nyu munaanyingallella oopaneya, munapaalla owoononga oohoowa a mwiillaponimmu,

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Ezekiele 36:20

Yaphiya variyari va mitundu ddimodda orive weko yayiiwawo yaaripiha nnddina naka naweella. Ddaari ddiiddo kaambiiwa athu voollotani dda alliwaayo yallota wi, ‘Alla tti athu a Apwiya koma yaavenyihiwa o ellapwiiwa.’

Miyambo 28:21

Ntthoollo khe naphaama koma enthawi emodda muthu annooniha okondella ekaamba ya mwanabuledi.

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.

2 Samuele 12:14

Koma vawi vaweerani ddenndda mwahaavevulla Apwiya ni murima muttheene, mwaana oyo anaayariwooyo aneerokhwa.”

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 18:15

Ohikone ni mwaara a mwanawo vawi yooyo tti mvokohaawo.

Levitiko 18:8

Ohaarulle attiittho vookonani ni arive mwaariwa.

Hoseya 4:14

Koma ngaallaka aniinyu aatthiyana ni avokohaanyu ekaamba ya oraruwa wiwa. Vallethi allopwananyu ennararuwa ni mahule voollapellani nave munnaheraatthi mukutho vamodda ni alliwa. Athu oohikhalla ni ezeru ddiidda eneerewoonongeya.

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Yesaya 3:14

Apwiya enawiipa mullatu attekweene ni oohoollella a athwiiwa. Enaahumullulla wi, “Nyu sika moonongille emata yampesa nave enyumba ddanyu ddooddalla ni ddeko ddawaakha ovenyera wa oohoowa.

Yesaya 3:15

Ethiyo munaapaneella tini athwaaka? Ethiyo kaambiiwa tti tini munaachelleenyu matthu va muru athwaaka? Mi Apwiya Mulluku Amasiva Mattheene koollota.”

Yesaya 10:1

Otulli wa athu ayo enakeraatthiha malamulo oohilungama ni olemba ddawaahoosa athu.

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.