Amosi 2:4 - Mawu a Mulluku

⁴ Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Amosi 2:4 ပူးပေါင်းရင်းမြစ်များ

Ezekiele 20:24

kaambiiwa yawi kheyaawiiwellelle malamulwaaka, yaakhoota malangizwaaka, yaaripiha mallapwaaka a Sabata ni yaallapella mafano a makhollwiiwa.

Ezekiele 20:16

Yaakhoota malangizwaaka ni ohiiwellella malamulwaaka nave yaaripiha nllapo naka na Sabata. Murimiiwa waakonda othwara mafano.

Ezekiele 20:13

Koma Aisraele yaakiwukila muchipululuni. Kheyaathwanre malangizwaaka nave yaakhoota malamulwaaka owaavaha okumi athu oowiiwellella. Athwaayo yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Habakuku 2:18

Ethiyo nifano niri ni mutteko tini? Tti ello yoopangiwa ni muthu, khenuulleella erive ello koma woottha. Yaphaama enamweerilliiwa oonipanga wi aniroromelle tti tini, mulluku oohiwora ollota wene?

Hoseya 12:2

Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Yesaya 28:15

Muniitukhulla wi mwahiiwanana ni okhwa nave moopangana ni ellapo ya ookhwa. Munnallipa murima wi woononga voowani khowaatamellani. Munaroromella ddawoottha wi okhalle woothawella wanyu nave ddoolleka wi okhalle woovulluwella wanyu.

Aroma 1:25

Yaatthattusa yawoona ya Mulluku okhalla yawoottha. Enallapella ni orumeyella ddoophatusiwa ni Mulluku munipuroni mwa Mulluku oophatusa oyo anaphwanella otitimihiwa va enthawi yoohimalla! Amen.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Ezekiele 20:18

Kahaachenjeza aniiwa muchipululuni wi ehithware malangizo a makhollwiiwa, ehiiwellelle malamulwiiwa apaalle wiiripiha ni mafanwiiwa.

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Nehemiya 1:7

Nooweerellani ddoonanara ddinchichi nave kheniiwellelle malamulwaanyu, malangizwaanyu ni echiweruzwaanyu mwaninnyalleenyu oweella mwa Mose oorumeyellaanyu.

2 Mamwene 17:19

Athu a o Yuda kheyaasungallettho malamulo a Apwiya Mullukwiiwa koma yaaneeta moothwara mitetho nnddo Aisraele yaambihalliiwa.

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Hoseya 6:11

Nyuttho Ayuda, muneerohata ollaka. Kaawaahokollosellaka ddaphaama athwaaka.’ ”

Ezekiele 22:28

Nave anamallotellaaye ennavittha ddenndda wonanko mmo eneerella athu voomarani otooto waweella, ennaddihuruwella ni nnddo enaddooniiwa voollohani ddawoottha ni makhangiiwa oolleka. Ennallota wi, ‘Apwiya enallota nndda’ Koma mi Apwiya Mulluku kihillotille ddennddo.

Ezekiele 22:8

Woovevulla ddeko ddaka ddoopatuleya nave wooripiha mallapwaaka a Sabata.

Ezekiele 20:30

Vano waalleelle Aisraele wi Apwiya Mulluku enakoha wi, ‘Ethiyo muneerewiinanariha wonanko mmo makhollwaanyu yeerelliiwa nave yararuwiiwa voollapellani milluku ddiwa ddoonanara?’

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yesaya 44:20

Muthooyo anakhalla wonanko anacha ntuura, maganizwaaye ookarangeya ennamuhollosa wawi khaworattho ovullusa okumaaye. Khaworattho wiikoha yeekha wi, “Ethiyo ello eri m'mattani mwakammu khehiyo yawoottha?”

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

2 Epilli 30:7

Muhikhalle wonanko makhollwaanyu ni abalaanyu ayo yaari oohiroromelleya wa Apwiya Mulluku a makhollwiiwa ayo yaatthattusalle ello yawoopiha monga munoonellaanyummu.

Oweeruza 10:6

Aisraele yaheerattho ddoonanara vamiitthoni va Apwiya voowaarumeyellani Abaala ni Ashitaroti, milluku dda o Siriya, o Sidoni ni o Mowabu, milluku dda Aamoni navettho milluku dda Afilisti. Aisraele yahaahiya Apwiya ohaarumeyellattho.

Yeremiya 16:11

Vano weyaano waakhulle wi, ‘Ekaambiiwa tti yawi makhollwaanyu yaakihiya mi Apwiya. Yaathwara milluku ddimodda enaddirumeyella ni oddillapella. Yaakihiya miyaano nave kheyiiwellenlle malamulwaaka.

Amosi 1:3

Apwiya enallota wi, “Ekaamba ya ddoolakwa ddiraru dda athu a o Damasiko apaalle ddisese, ngihiya omullaka. Yahaahoosa Agiliyadi wonanko omuuputha tirigu ni mikoko.

Mika 6:12

Athu eeyuuma tti eechiwawa. Athu attheene tti awoottha ni oolleka.

2 Epilli 25:14

Amaziya awiillewo woowiipha Aedomu, aakusa milluku dda o Seiri addikeraatthiha okhalla milluku ddaye nave aanaddillapella ni oddivelleellella mikutho.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Hoseya 12:3

Aariiye m'mirimani mwa amennya Yakobo aaphara etotopwa ya mwanamunne nave unnuwalle mwamasiva aallipana ni Mulluku.