Amosi 2:11 - Mawu a Mulluku

¹¹ Kahaatthoolla amodda mwa aniinyu okhalla anamallotella, amodda mwa asombwaanyu okhalla Anaziri.* Nyu athu a o Israele, ethiyo kinimoottha?” Mi Apwiya koollota.

Amosi 2:11 ပူးပေါင်းရင်းမြစ်များ

Yeremiya 7:25

Waambeella nllapo makhollwaanyu yakhumalliiwa mu ellapo ya Iguputo ophiyera ollello kookhalla kuurumihellakani amurummwaaka, anamallotella.

Mika 2:6

“Athu enakilleella wi, ‘Muhinillalleyelle, muthu ahinillalleyelle ddenndda vawi khaniwa niwulliwa muru.

Maliro 4:7

Enduna ddaye ddaari ddoowala wunchichi, ddaweella okhwaranya mukaka. Miilli ddiwa ddaari ddooreera okhwaranya malluku a rubi, ddaanooneya mooreera okhwaranya malluku a safire.

Yeremiya 26:11

Vano allupa mukutho ni anamallotella yahaalleella oohoollella ni athu amodda attheene wi, “Muthoolla anaphwanella wiiphiwa! Mohiiwa ni maarwaanyu wi olliye anallotella ddoonanara dda muzindoolla.”

Yeremiya 11:21

Sika ekaambiiwa Apwiya enallotiiwa dda athu a o Anatoti ayo enapaalla woononga okumaaka voollotani wi, “Ohillotellettho mu nnddina na Apwiya wi nihiwiiphe.”

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 2:5

Apwiya enakoha wi, Ethiyo makhollwaanyu yakoonille ni yoonanara yawiidde yookithawella? Yaathwara ddoohikhalla ni mutteko, alliwattho yaatthattuwa oohikhalla ni mutteko.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

2 Mamwene 6:1

Nllapo nimodda athu amodda a m'mulloko wa anamallotella yaamulleella Elisha wi, “Ngoonani, nipuronna ninakumanelleehu nooniyevella wunchichi.

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

1 Mamwene 20:41

Mwawaakuva muthooyo aakhunuulla ekuwo owiitthoni nave mwene Ahabu aamuupuwella wi tti mmodda mwa anamallotella.

1 Mamwene 20:35

Mwa mawu a Apwiya mmodda mwa anamallotella aamulleella mukhwaaye wi, “Kuukuthe.” Koma olliye aakhoota omuukutha.

1 Mamwene 20:13

Enthawi yeeyo namallotella mmodda aawa wa Ahabu, mwene a o Israele, amulleella mawu a Apwiya wi, “Ethiyo onnoona mulloko wakhotoolla? Ngoona, kineerovelleella mullokoolla m'mattani mwawo ollello vaava. Nave oneerodduwella wi mi tti Apwiya.”

1 Mamwene 19:16

Wamuzoze Yehu mwaana a Nimishi wi akhalle mwene a o Israele. Nave wamuzozettho Elisha mwaana a Shafati a o Abele Mehola wi akhalle namallotella oovollowa munipuroni mwawo.

1 Mamwene 18:4

Nave mvo Yezebele awiiphaaye anamallotella a Apwiya, Obadiya aawiipitthiha anamallotella 100, 50 mu nikhungunna nave 50 mu nikhungunna aanaavaha yoocha ni maaddi wenko.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

1 Samuele 19:20

ahaarumiha athu wi yamuphare Davide eweena. Athwaayo yahoona mulloko wa anamallotella ellotellaka, Samuele aahoollellaka. Munepa a Mulluku ahaakitthella nave alliwa yahaamba ollotellattho.

1 Samuele 3:20

Aisraele attheene ovenyera o Dani ophiya o Beeresheba yaadduwella wi Apwiya yaamutthoolla Samuele wi akhalle namallotella.

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Mitteko 4:18

Vano yaawiithana yaalamula wi ehiromolle apaalle ohuddiha nnddina na Yesu.