Amosi 2:10 - Mawu a Mulluku

¹⁰ Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Amosi 2:10 ပူးပေါင်းရင်းမြစ်များ

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Amosi 3:1

Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Mitteko 13:18

Nave wa miyakha 40 ahaavillella yeetiiwa mu echipululu.

Mitteko 7:42

Sika Mulluku ahaahiya nave aavelleella omallapello a etheneeri ddooddullu, ollikana ni ddalembiwe mu nibukhu na namallotella wi, ‘Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Amosi 9:7

Apwiya enallota wi, “Nyu Aisraele, ethiyo khamuri wonanko Akushi wa miyaano?” “Ethiyo ngihiyo mi kaakhumihalle Aisraele o Iguputo? Ngihiyo mi kaakhumihalle Afilisti o Kafitori ni Asiriya o Kiri?

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Ezekiele 20:10

Kahaakhumiha mu Iguputo ni waaholleella muchipululuni.

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

Nehemiya 9:21

Mwahaasunga wa miyakha 40 muchipululuni nave enthawi ettheeneella kheyaarama erive ello. Ddoowara ddiwa kheddaawaahuwalle navettho manyallwiiwa kheyaawiipalle.

Deuteronomo 1:39

“Sika Apwiya yaanilleella attheenehi wi, ‘Akantchewaanyu ayo mweereenyu wi eneerophariwa ni adani navettho aniinyu ang'onong'ono ayo ophiyera ollellova ehinadduwella yaphaama apaalle yoonanara sika enaavollowe mu ellapweeyo. Kineeroyivelleella wa alliwa nave eneeroyaakha.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Numeri 21:25

Aisraele yahaakha mizinda ddittheddene dda Aamori ekhalla mwemmo vamodda ni muzinda wa Heshiboni ni mizi ddiwa.

Yoswa 13:4

omwera ellapo ettheene ya Akanani ni ya Meara a o Asidoni ophiya o Afeki, ophiyattho o malire a Aamori.

Numeri 13:32

Sika yahaatthopoollella Aisraelaayo ddoonanara dda mu ellapweeyo wi, “Ellapo nayizondilleehu tti ellapo eyo enawoononga athwiiwa. Nave athu attheene nawoonilleehu wenko tti oorekama.

Numeri 32:13

Apwiya yahaashella murima Aisraele nave yaaweetiha muchipululuni mulle miyakha 40 ophiyera mbado muttheene oyo weerille ddoonanara vamiitthoni va Apwiya otthollowille.

Yoswa 24:8

“ ‘Vano kahuuphiyihani mu ellapo ya Aamori, ayo yakhalla okhopella wa muhinje wa Yordani. Alliwaayo yaallipana ni nyuwaano koma miyaano kahaavelleella m'mattani mwanyu nave mwahaakha ellapwiiwa kaambiiwa miyaano kaawoononga nyuwaano mwaphiyeenyu.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.