Amosi 1:5 - Mawu a Mulluku

⁵ Kineerewinttaka mikoko ddoollipa ddoowallella millako dda Damasiko. Kineerewaavenyihamo athu ookhalla o ntapo na Aveni navettho oyo anaalamulelleke o Betedeni. Athu a o Siriya eneerophariwa okaporo eneerewaakusella o Kiri.” Mi Apwiya koollota.

Amosi 1:5 ပူးပေါင်းရင်းမြစ်များ

2 Mamwene 16:9

Sika mwene a o Asiriya aamwiiwellella Ahazi nave aahella ekhoto o Damasiko aakha muzindooyo emwiipha Rezini. Nave ahaaphara athu a muzinda aayaana o Kiri wuukaporoni.

Amosi 9:7

Apwiya enallota wi, “Nyu Aisraele, ethiyo khamuri wonanko Akushi wa miyaano?” “Ethiyo ngihiyo mi kaakhumihalle Aisraele o Iguputo? Ngihiyo mi kaakhumihalle Afilisti o Kafitori ni Asiriya o Kiri?

Yeremiya 51:30

Akhoto a o Babiloni aahiya owana ekhoto, erimoonokeraatthi mu mipanda ddiwa vawi masiviiwa aamalla nave tti wonanko atthiyana. Enyumba ddaye ddohoosiwa ni munllo nave mikoko ddaaye ddoollipiha ddookothowa.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Nahumu 3:13

Akhotwaawo tti wonanko atthiyana, millako dda ellapwaawo ddohaahullella adanaawo, munllo wooshellelliha mikoko ddoowallella machiwiiwa.

Yeremiya 50:36

Nsupada nimorelle va athu awoombesa wi etthattuwe ookarangeya. Nimorellettho va akhotwaaye wi yoonongeye.

Yesaya 43:14

Apwiya, Oowoopollanaanyu, Aweella a Israele enallota wi, “Kineeroruma mulloko wa akhoto wallipane ni Babiloni wi kuuvulluseni. Kineerokumulla millako dda muzindooyo, ohakallalla wa athu oneerotthattuwa winlla.

Yesaya 22:6

Akhoto a o Elamu yaawa ewenlle va akavalo, m'mattani mwaari miira ni mipaamba nave akhoto a o Kiri yaari ookhozeka ni ezishango ddiwa.

Ezekiele 27:23

Athu a o Harani, Kane, Edeni, Ashuri ni Kilimade navettho amalonda a o Sheba yaaneera malonda ni weyaano.

2 Mamwene 14:28

Vano mitteko ddimodda dda Yerobowamu ni ddittheddene enreeye dda masivaaye mmo awanelleeye ekhoto navettho mmo agonjihelleeye mizinda dda Damasiko ni Hamati aahokollosella Aisraele, ddittheddenennddo ddoolembiwa mu nibukhu na epilli ya mamwene a o Israele.

Yesaya 8:4

Vawi mwaanooyo ahinaambe wiithana wi ‘Attiitthi’ apaalle wi ‘Amoowe’ eyuuma ya Damasiko ni ddawaakha dda Samariya ddineerokusiwa ni mwene a o Asiriya.”

Ezekiele 30:17

Asombwe a o Oni ni a o Pibeseti eneerewiiphiwa vakhotoni nave atthiyana eneerophariwa okaporo.

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Amosi 5:5

Koma muhikaashaashe o Betele, apaalle o Giligala apaalle o Beeresheba vawi Giligala aneerophariwa okaporo, Betele aneerewoonongiwa.”