Amosi 1:11 - Mawu a Mulluku

¹¹ Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Amosi 1:11 ပူးပေါင်းရင်းမြစ်များ

2 Epilli 28:17

Valle Aedomu yaahellattho ekhoto ni waagonjiha Ayuda nave yahaaphara athu okaporo.

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’

Yowele 3:19

Iguputo aneerotthattuwa echipululu, Edomu anaakhalle ntepe noohikhalla athu ekaamba ya ekhoto yahelliwe athu a o Yuda ni owiipha athu oohilakwa mwiillaponi mwiwa.

Masalimo 137:7

Nyu Apwiya, upuwellani nndde yeerille Aedomu va nllapo nawoonongeya wa Yerusalemu, valle yallotiiwa wi, “Mukumulleni Yerusalemu, mukumulleni Yerusalemu, ophiyera vamatthipello vaye.”

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Oollalleya 7:9

Ohinaakuvaka osha murima vawi osha murima tti wa athu ookarangeya.

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

Aefeso 5:1

Vawi nyuwaano tti anamwani ookondiwa a Mulluku, munaphwanella okhalla wonanko olliye.

Malaki 1:2

Apwiya enallota wa athwiiwa wi, “Kinnuukondani nyuwaano.” Koma alliwa yahaakhulla wi, “Ethiyo moonihalle echikondaanyu va hiyaano mwawiidde?” Apwiya yahaakhulla wi, “Esau ni Yakobo yaari muthu ni mwanamunne koma kamukondille Yakobo ni edduullu ddaye

Yesaya 57:16

Ngihumullulla wa enthawi yoohimalla apaalle ovirellella waashella murima wi munepa wa muthu ohingomowe vamiitthoni vaka, mpweya woovaha okumi oyo kawuphatusalleemi.

Masalimo 85:5

Ethiyo muneeronishella murima wa enthawi yoohimalla? Ethiyo muneerovirellella onanariwa wa mibado ddahu ddittheddene?

Zekariya 1:15

Kohaananariwella wunchichi athu a mitundu ddimodda ayo eri vamurendelleni. Vawi kaananariwelleemi athwaaka mooyeva koma alliwa sika yoonjereriiwa waahoosa athwaaka.

2 Epilli 20:10

Vano ngoonani, athu a o Amoni, Mowabu ni mwaango wa Seiri ayo mwahiwaakhullelleenyu Aisraele wi yawanena ekhoto ekhumalle o Iguputo nave yahaahiya ehiwoononga.

2 Epilli 20:11

Vano ngoonani, vatulli viwa enimaniikara mwiillaponi eyo mwanivahilleenyu wi ekhalle yoohallanaahu.

Hoseya 8:3

Koma Aisraele aakhoota ddaphaama. Sika ekaambiiwa adaniiwa enaawiikarihiiwa.