Akolose 4:6 - Mawu a Mulluku

⁶ Mawaanyu ekhalleke aphaama wonanko mwiinyu wi mudduwelleke omwaakhulla arive muthu enthawi ddittheddene.

Akolose 4:6 ပူးပေါင်းရင်းမြစ်များ

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.

Oollalleya 10:12

Mawu a muthu eezeru ennamuvahiha olemu koma a muthu ookarangeya ennamoononga.

Mariko 9:50

“Mwiinyu tti waphaama koma watthulluwa khoweerihiwattho wi oddiveke. Mukhallena mwiinyu mwa weekhiinyu nave mukhalleke mwamurendelle muthu ni mukhwaaye.”

Miyambo 15:4

Nllumi naphaama tti muteekho wa okumi koma mawu ookhoromana ennavoriiha murima.

Miyambo 15:7

Eyano ya muthu eezeru ennavuwiha odduwella koma ohiri ya oonanara.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Mateyu 5:13

“Nyu muri wonanko mwiinyu wa athu attheene a va ellapo yavatthi. Koma mwiinyu watthulluwa khoweerihiwattho wi oddiveke. Khonnattho mutteko, sika onnatathilliwa nave athu ennawuunyingalla.

Miyambo 10:21

Eyano ya muthu oolungama ennaapindulella athu anchichi koma ookarangeya anniiphiwa vooramani ezeru.

Masalimo 119:46

Kineerollota omboni vamiitthoni va mamwene, ngiwulliwa muru.

Masalimo 105:2

Wiipelleni machipo awaatitimiha, tthopoollani ddoottikhiniha ddiwa ddittheddene.

Masalimo 45:2

Nyuwaano tti ooreera waakhwaranya akhwiinyu attheene, vayanoni vanyu vinnakhumiha ddaphaamave. Ella sika ekaambiiwa Mulluku uudalisalleeyeni wa enthawi yoohimalla.

Luka 4:22

Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”

Masalimo 119:13

Kinnallalleya ni eyanwaaka mawu a muwano mwanyu.

Masalimo 66:16

Nyu attheene oomullapella Mulluku, waawoni mwiiwe, kuutthopoollelleni nnddo akeerelleeye.

1 Epilli 16:24

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Deuteronomo 11:19

Mwaahuddiheke aniinyu ni ollota wiilliwiilli dda malamulwaalla mwakhalla owaninyu, mwakhalla voolendoni, vookonaatthini apaalle voovenyani.

Levitiko 2:13

Mukuthwaaye wa othu awuhelleke mwiinyu vawi mwiinyooyo onnooniha echipangano ya variyari va olliye ni Mullukwaaye. Sika ahelleke mwiinyu mikutho ddaye ddittheddene.

Ezekiele 43:24

Oddivelleelle vamiitthoni va Apwiya nave allupa mukutho eddihelle mwiinyu ni oddiheraatthi wi ddikhalle mukutho wooshellelliha wa Apwiya.