Akolose 3:25 - Mawu a Mulluku

²⁵ Nave aweera ddoonanara eneerewaakhella yoonanara eneeriiwa kaambiiwa Mulluku annamweeruza arive muthu moohiweha ekhove.

Akolose 3:25 ပူးပေါင်းရင်းမြစ်များ

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Aroma 2:11

Vawi Mulluku khanaweha ekhove.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Deuteronomo 10:17

Vawi Apwiya Mullukwaanyu tti ookhwaranya milluku ddittheddene navettho tti owaakhwaranya apwiya attheene. Alliwa tti uullupalli, amasiva ni awoopiha, khenaweha ekhove nave khenaakhella ddamukaphwani.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Aefeso 6:9

Nave Apwiya nyu, mukhallekena phaama akaporwaanyu nave muhiye owoopopiha. Munnadduwella wi nyuwaano vamodda ni akaporwaanyu mookhalla ni Apwiya amodda oddullu, ayo anamweeruza arive muthu moohiweha ekhove.

2 Epilli 19:7

Vano muwooveke Apwiya. Muganizeke va nnddo muneerekeenyu vawi Apwiya Mullukwaahu tti oolungama nave khenaweha ekhove apaalle waakhella ddamukaphwani.”

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Aheberi 2:2

Mawu yalleelliwe makhollwaahu ni angelo yahoonihiwa wi yaari awoona kaambiiwa athu ayo yahithwanre apaalle wiiwellella yaallakiwa moollikana ni mitteko ddiwa.

Akolose 4:1

Apwiya nyu, mukhallekena phaama ni mweechilungamo akaporwaanyu. Vawi munnadduwella wi nyuwaano mookhallattho ni Apwiya oddullu.

Luka 20:21

Athwaayo yaamukoha wi, “Ahuddihi, ninnadduwella wi munnallota ddawoona moohiwehattho wi olla ttaani. Koma munnahuddiha ddawoona dda opaalla wa Mulluku wa athu.

Yobu 37:24

Sika athu ennamoova olliye, khanampwatha arive muthu oyo aniilleka wi tti eezeru.”

Yobu 34:19

Olliye khanaakondella oolamulella apaalle waariiha eeyuuma okhwaranya oohoowa vawi attheenaayo tti mutteko wa mattaaye.

2 Samuele 14:14

Vallethi maaddi yatathiya khenawolleya. Nave attheene nineerokhwa. Mulluku khanapaalla wi okumi wa muthu otathiye koma anakhoza ettilla yawi awiikarihiwooyo ahokollowe.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

Filemoni 1:18

Aarimi aweerelle ddoonanara apaalle ookhalla ni ekongoli wa weyaano, ekongoli yeeyo ekhalle ya miyaano.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Aefeso 6:8

Munnadduwella wi Apwiya eneeromuthuva arive muthu va muttekwaaye waphaama naari kaporo apaalle ahiri kaporo.

2 Atesalonika 1:6

Mulluku tti oolungama ndithu, aneerewaallaka ayo enuuhoosani.