Akolose 3:24 - Mawu a Mulluku

²⁴ Upuwellani wi Apwiya eneerewuuvahani madaliso ayo aasungenlleeye athwaaye. Vawi Khrisitu sika Apwiya munaarumeyelleenyu.

Akolose 3:24 ပူးပေါင်းရင်းမြစ်များ

Aefeso 6:8

Munnadduwella wi Apwiya eneeromuthuva arive muthu va muttekwaaye waphaama naari kaporo apaalle ahiri kaporo.

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

1 Akorinto 7:22

Vawi kaporo oyo iithaniwe ni Apwiya tti oottaphulliwa vamiitthoni va Apwiya; emoddamoddave yeeyo muthu oyo ahiri kaporo iithaniwe ni Khrisitu tti kaporwaaye.

Mitteko 20:32

“Nave vano kinuuhiyani mwa Mulluku ni wa mawu a echisomwaaye. Annawora owunnuwihani ni wuuvahani madaliso ayo anaavaheeye athwaaye.

Aheberi 11:6

Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

Aheberi 10:35

Sika muhinatathilla ollipa wanyu murima vawi muneerothuviwa wuullupalli.

Aefeso 6:6

Muheereke ddiiddo yaawonakanive kaambiiwa munapaalla mwaahakallallihe koma mweereke yoopaalla ya Mulluku ni murimaanyu muttheene wonanko akaporo a Khrisitu.

Mateyu 5:46

Mwaawaakondaka yaayove enuukondani, Mulluku anuuthuveni mwawiidde? Naari ookhomiha musonkho enneera ddiiddo.

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

1 Akorinto 3:8

Ohiyana khawiivo variyari va oomidda ni oohellella maaddi. Nave Mulluku aneeromuthuva arive muthu moollikana ni mutteko aphanreeye.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Mateyu 10:41

Oomwaakhella namallotella kaambiiwa tti namallotella, aneerothuviwa moollikana ni namallotella. Nave oyo anamwaakhella muthu oolungama kaambiiwa tti oolungama, aneerothuviwa moollikana ni muthu yooyo.

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.