Akolose 3:20 - Mawu a Mulluku

²⁰ Anamwaninyu, tti odindwaanyu owiiwellella makhollwaanyu enthawi ddittheddene vawi yeeyo sika enaahakallalliha Apwiya.

Akolose 3:20 ပူးပေါင်းရင်းမြစ်များ

Eksodo 20:12

“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

Miyambo 30:17

Niittho nowaattheya attiitthinnya ni ovevulla owiiwellella amennya, anakhuku a mutapo eneeronitthorokolla nave miphangwi ddineeronicha.

Miyambo 6:20

Mwanaka, sunga malangizo a attiittho, ohikhoote ddoohuddiha dda amaayo.

Deuteronomo 27:16

“ ‘Atembeleliwe arive muthu oohaavaha olemu attiitthinnya apaalle amennya.’ “Nave athu attheene yaakhulle wi, ‘Amen!’

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Mateyu 19:19

Waavaheke olemu attiittho ni amaayo, omukondeke mukhwaawo wonanko mmo oniikondelleewe weekha.”

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Miyambo 30:11

Vookhalla amodda oowaatembelela attiitthiiwa, woohaadalisa ameewa.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Tito 2:9

Waalleelle akaporo wi ewiiwellelleke apwiiwa navettho yaahakallalliheke mu ddeko ddittheddene. Ehaavaanyiheke,

Aefeso 5:24

Sika vano atthiyana ewiiwellelleke amamuniwa mu ddeko ddittheddene wonanko mmo mpingo onamwiiwellelliiwa Khrisitu.

Miyambo 20:20

Muthu aatembelela attiitthinnya apaalle amennya enyalaaye eneerothiima mwiipiphini.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Genesis 28:7

Ahiiwa wi Yakobo aawiiwellella attiitthinnya ni amennya nave wi aaya o Mesopotamiya.

Akolose 3:22

Akaporonyu muwiiwellelleke apwiinyu a vatthimva mu ddeko ddittheddene, ohiri yaawuuweherakanive kaambiiwa munapaalla mwaahakallallihe nave mweereke ni murimaanyu muttheene ekaamba ya owoova wanyu Apwiya.

Deuteronomo 5:16

“Waavaheke olemu attiittho ni amaayo moollikana ni mmo Apwiya Mullukwaawo yuulamulelliiwa wi enthawi ya okumaawo erekame ni wi ddiweetelleke phaama mu ellapo eyo kinuuvaheemi.

Rute 3:5

Rute ahaakhulla wi, “Kineereweera ddittheddene mullotilleenyunnddo.”

Yeremiya 35:8

Nohiiwellella lamulo na nikhollo nahu Yonadabu mwaana a Rekabu nave mu okumaahu muttheene khaninamuwiryeke vinyo, hiyaano apaalle awarihu, aniihu aallopwana ni aatthiyana.