Akolose 3:16 - Mawu a Mulluku

¹⁶ Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Akolose 3:16 ပူးပေါင်းရင်းမြစ်များ

Masalimo 119:11

Kohaasunga mawaanyu m'murimani mwaka wi kihuuchimwelleni.

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Aroma 10:17

Sika vano muthu anakhalla ni echikhulupililo ekaamba yawiiwa othenga nave othengooyo onaphiya oyeella mu omullalleya Khrisitu.

1 Yohane 2:24

Vano simikizani wi othenga mwiiwalleenyu ovenyera vawaamba okhalleke m'murimani mwanyu. Othenga yooyo wakhalla m'murimani mwanyu, sika muneerokhalla mu eyaattano ni Mwaana ni Attiitthinnyaayo.

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Yobu 23:12

Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

2 Yohane 1:2

Kaambiiwa yawoona yookhalla mwa hiyaano nave enaakhalle mwa hiyaano wa mallapo oohimalla.

2 Timoteo 3:15

nave onnadduwella wi waambeella khalle weyaano ori mwaana, woodduwella mawu aweella ayo enaawore wuuvaha ezeru ddawuuhoollella o echikhulupililo mwa Khrisitu Yesu wi ovullusiwe.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

Akolose 4:6

Mawaanyu ekhalleke aphaama wonanko mwiinyu wi mudduwelleke omwaakhulla arive muthu enthawi ddittheddene.

Aefeso 5:17

Sika muhikhalle ookarangeya koma mweeseese wiiwesesa nnddo Apwiya enapaalliiwa wi mweere.

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Yakobo 5:13

Ethiyo ookhallavo mmodda a nyuwaano ari mu ddoohoosa? Avekelle. Ethiyo ookhallavo mmodda a nyuwaano anahakallalla? Iipe ddoomutitimiha Mulluku.

Masalimo 71:23

Vayanoni vaka vineerokhuwa ni ehakallallo voowiipellani machipo awuutitimihani. Murimaaka muwooponlleenyu, oneerewiipa mowuuriihani.

Tito 3:6

Mulluku aanimiminella Munepa Waweella mwawaata oweella mwa Yesu Khrisitu Oovullusaahu.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Masalimo 32:7

Nyuwaano tti woothawellawo waka, munnakiteteza mu ddookatamiha, munnakaapheelliha ni okhuwa wa ovullusa.

Nehemiya 12:46

Vawi khalle mu enthawi ya Davide ni Asafu waakhalla oohoollella a awiipa machipo oomutitimiha ni oomuthokoza Mulluku.

1 Mamwene 3:28

Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

1 Yohane 2:14

Kinuulembellani nyuwaano anaaka kaambiiwa munnaadduwella Attiitthaanyu. Kinuulembellani nyuwaano makhollo kaambiiwa munnamudduwella oyo arivo ovenyera vawaamba. Kinuulembellani nyuwaano asombwe kaambiiwa mookhalla ni masiva nave mawu a Mulluku eri mwa nyuwaano nave moomugonjiha Oonanarooyo.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

2 Atesalonika 3:15

Koma muhimweere mudani nave m'muchenjeze wonanko ookhulupilila mukhwiinyu.

1 Atesalonika 4:18

Sika vano mullipihaneke murima ni mawu yaalla.

1 Akorinto 14:15

Vano kinaphwanella keere tini? Kineerovekella ni munepaaka nave kineerovekellattho ni maganizwaaka. Kineerewiipa ni munepaaka nave kineerewiipattho ni maganizwaaka.

Mateyu 26:30

Yahiipa nchipo nave yaakhuma eya o mwaango wa Olivi.

Miyambo 14:8

Ezeru dda muthu oochenjera ddikonne voodduwellani phaama ettilla ddaye koma ookarangeya annallekiwa ni okarangeya waye.

Masalimo 138:1

Nyu Apwiya, kinnuuthokozani ni murimaaka muttheene ni wiipa machipo awuutitimihani vamiitthoni va milluku.

Masalimo 119:54

Malamulwaanyu aatthattuwa echipwaaka orive weko kinayeemi.

Aroma 15:14

Akhwaakanyu, miyaano kinnasimikiza wi nyuwaano tti aphaama wunchichi, nyuwaano tti athu oodduwella wunchichi navettho munnawora ohuddihana.

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

1 Epilli 25:7

Athu attheenaalla yaakhalla ni eruso vawiipani nave abaliiwa yaahudderattho phaama owiipella Apwiya. Attheene vamodda yaari athu 288.

Yesaya 10:2

Alliwa ennahollosa malamulo vaweeruzani oohoowa moohilungama. Ennawaakha ddawaaphwanella athwaaka nave ennatthukumaniha dda anaamukhwelle ni owiiyera akhwaadduni.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Yesaya 30:29

Koma muneerohakallalla ni wiipa wonanko muneerelleenyu mahiiyu va ehakallallo yoopatuleya. Muneerohakallalla wonanko athu eneeta yiipaka nipallapata o mwaango wa Apwiya, nlluku na Israele.

Yesaya 26:1

Nllapo nenno athu a mu ellapo ya Yuda eneerewiipa nchipo nawi, “Nookhalla ni muzinda wampanda, Apwiya eneeroteteza mpandiiwa.

Yesaya 5:1

Kimwiipelle ookondiwaaka nchipo na ookondiwaaka ni emataaye yampesa. Ookondiwaaka aakhalla ni emata yampesa, va ethaya yaphaama.

Nchipo na Solomoni 1:1

Nchipo nooreeresesa ya Solomoni. Namwalli

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Miyambo 18:1

Muthu awiiddivella annaashaasha ddoopaalla dda yeekhaaye, okangana ni ezeru yaphaama.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

1 Atesalonika 1:8

Vawi othenga woollota dda Apwiya wookhuma mwa nyuwaano khovuwalle mu Masedoniyave ni Akaiyave koma epilli ya echikhulupilwaanyu mwa Mulluku, yoovuwa m'mapuroni mutthemwene. Vano kheyiivo eyo enapaalleya wi nillote.