Akolose 3:15 - Mawu a Mulluku

¹⁵ Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

Akolose 3:15 ပူးပေါင်းရင်းမြစ်များ

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Yesaya 26:3

Nyu Apwiya, munnavaha murendelle wawoona wa ookeraattheya murima ni awuuroromellani.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Masalimo 29:11

Apwiya ennaavaha masiva athwiiwa, ennaadalisa ni murendelle.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Aefeso 5:20

Mumuthokozeke Mulluku Attiitthiihu enthawi ddittheddene ni ekaamba ya ddittheddene mu nnddina na Apwiihu Yesu Khrisitu.

2 Akorinto 9:11

Aneerewuulemelihani mu ddeko ddittheddene wi enthawi ddittheddene muvelleelleke mwawoollowa matta. Vano athu anchichi eneeromuthokoza Mulluku ekaamba ya emphaso ddanyu enaakhelliiwa oyeella mwa hiyaano.

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Masalimo 116:17

kineerovelleella mukutho woothokoza, kineerovekella vooromollani nnddina nanyu.

1 Timoteo 2:1

Vawaambellella kinuuvekani nyuwaano wi yeeriweke mavekello ooveka ni oomuthokoza Mulluku ekaamba ya athu attheene,

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

Aefeso 5:1

Vawi nyuwaano tti anamwani ookondiwa a Mulluku, munaphwanella okhalla wonanko olliye.

2 Akorinto 4:15

Ddittheddenendda tti ekaamba ya nyuwaano wi echisomo ya Mulluku yaaphiyere athu anchichi wi vikhalle othokoza wunchichi wi Mulluku atitimihiwe.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yawuupullulla 7:12

Yaanallota wi, “Amen! Odalisa, otitimiha, ezeru, othokoza, oriiheya, masiva, ollipiha tti dda Mullukwaahu wa enthawi yoohimalla! Amen!”

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

1 Akorinto 7:15

Nave oyo ahiri ookhulupilila apaalla omuhiya mukhwaaye ookhulupililoolle, amuhiye. M'millatuni ddawi ddiidda, ookhulupililoolle, aamutthiyana apaalle aamullopwana khanamakiwa. Mulluku oowiithanani wi mukhalle m'murendelleni.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

Yona 2:9

Koma mi kineerovelleella moororomelleya mikutho ddaka wa Apwiya ni mawu oothokoza.’ ”

Yesaya 27:5

Koma adani a athwaaka yaapaallaka wi kaateteze enaphwanella wiiwanana ni mi dda murendelle. Ddawoona, tti woophwanella wiiwanana ni miyaano dda murendelle.”

Yesaya 57:19

Athu attheene a woorekama ni a vakhuviru kineerewaavaha murendelle ni waachiriha.

1 Akorinto 10:17

Kaambiiwa buledi tti mmodda, hiyaano attheene naari naatille niri mwiilli mmodda vawi ninnaattana mu buledi mmoddave yooyo.

1 Timoteo 6:12

Wanana ekhoto yaphaama ya echikhulupililo, pharesesa okumi woohimalla oyo wiithanelliweewe nave wahaakhullella moohikhuwa echikhulupililwaawo vamiitthoni va amboni anchichi.