Akolose 3:13 - Mawu a Mulluku

¹³ Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.

Akolose 3:13 ပူးပေါင်းရင်းမြစ်များ

Aefeso 4:32

Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Aefeso 4:2

Enthawi ddittheddene mukhalleke oomaalleya, awiiyeviha ni oovillella. Mooniheke echikondaanyu voollevana.

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

2 Akorinto 6:6

Koma hiyaano nohooniha wi tti oorumeyella a Mulluku vookhallani aweella murima, eezeru, oovillella ni ooreera murima, vookhallani ni Munepa Waweella ni echikondi yawoona,

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

2 Akorinto 2:10

Mwamukhululukella muthu yoolla nameenettho kinnaakhululukella. Vawi eyo kikhululukelleemi, yaari erivo ello yoopaalleya okhululukella, kinakhululukella ekaamba ya nyuwaano ni vamiitthoni va Khrisitu.

Luka 23:34

Yesu aallota wi, “Attiitthaaka, mwaakhululukelle vawi khenadduwella eyo eneeriiwa.” Vano akhoto yaakawana ddoowara ddaye mwawoombesa.

Luka 11:4

Munikhululukelle machimwaahu, vawi ninnaakhululukella attheene enanilakwella. Nave muhinikuselle woweesiwa.’ ”

Mateyu 5:44

Koma miyaano vano kinimuulleellani wi, mwaakondeke adanaanyu nave mwaavekellelleke ayo enuuhoosani,

1 Petro 2:21

Mulluku aawiithanellani ohoosiwa vawi Khrisitu mwaneena aahoosiwa ekaamba ya nyuwaano nave ahuuhiyerani echisanzo wi muthware manyallwaaye.

Aroma 15:7

Sika mwaakhullellaneke wonanko mmo Khrisitu awaakhullelleeyeni wi athu emutitimiheke Mulluku.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Miyambo 19:11

Ezeru ennamuvaha muthu ohinanariwa mwawaakuva, oriiheya wiwa okonne voohipwathani ddeepewe.