Akolose 3:11 - Mawu a Mulluku

¹¹ Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Akolose 3:11 ပူးပေါင်းရင်းမြစ်များ

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

Aroma 10:12

Nndda tti dda arive muthu kaambiiwa khuwaavo ohiyana variyari va Ayuda ni athu ayo ehiri Ayuda vawi attheene eri ni Apwiya amodda a athu attheene nave annaadalisa wunchichi attheene enamwiithana olliyooyo.

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

Aefeso 1:23

Mpingo tti mwiilli wa Khrisitu, wooddalliwa ni olliye oyo anakwakhwaniha ddeko ddittheddene mwa arive muthu.

Aroma 3:29

Ethiyo Mulluku tti a Ayudave? Ethiyo kahiyottho Mulluku a athu ayo ehiri Ayuda? Ddawoona, tti Mullukuttho a athu ayo ehiri Ayuda.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

1 Akorinto 7:19

Vawi ophaddiwa naari ohiphaddiwa, khonna mutteko; enapaalleya tti othwara malamulo a Mulluku.

Mitteko 15:17

Vano athu amodda attheene yahanllaayo eneeroowa wa miyaano, athu attheene ayo ehiri Ayuda, ayo kaawiithanilleemi wi ekhalle aaka.

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Amosi 9:12

Enthawi yeeyo Aisraele oohalla eneerogonjiha ddoohalla dda o Edomu vamodda ni mitundu ddittheddene nnddo ddinadduwanyeya ni nnddina naka. Mi Apwiya koollota nave kineereweera killotilleeminndda.”

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Akolose 2:10

nave moovahiwa okumi muttheene mu eyaattano ni olliyooyo. Olliye tti muullupalli a oolamulella attheene ni masiva mattheene ooddullu.

Aroma 1:14

Vawi kinaphwanella ollalleya wa athu attheene, wa avaddullu ni avatthi, oohuddera ni oohihuddera.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Mitteko 28:4

Athu awenkwaayo yahoona enoweeyo yaangellenlle onnatta na Paulooyo, ellota muthu ni mukhwaaye wi, “Muthoolla tti oowiipha athu. Oovullusiwa va enyanja koma mulluku ooweeriwa Echilungamo khamuhiya wi akhalle mukumi.”

Mitteko 28:2

Athu yakhalla vaavwaayo yaaneerella ddaphaama wunchichi. Yaanaakhella, eniividdeellella munllo wi nootheke vawi wahaamba orupa murimu navettho waanariirya.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Masalimo 117:2

Vawi echikondiiwa wa hiyaano tti yoohisintheya, ororomelleya wa Apwiya tti wa enthawi yoohimalla. Aleluya!

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Aefeso 6:8

Munnadduwella wi Apwiya eneeromuthuva arive muthu va muttekwaaye waphaama naari kaporo apaalle ahiri kaporo.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

1 Akorinto 14:11

Koma kahiidduwella ottaphullella wa ellotello enallotiweeyo, ayo enallota ellotellweeyo enaakhalle alleto wa miyaano navettho miyaano kinaakhalle mulleto wa alliwaayo.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Ezekiele 47:22

Muyikawe wi ekhalle yoohallanaanyu. Ekhallettho ya alleto ayo eri variyari vanyu, yaayarelle anamwani variyari vanyu. Alletwaayo eneerokhalla ni nyuwaano wonanko aneetthi a mu Israele. Eneerovahiwa yoohallaniiwa vamodda ni nyuwaano.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Aefeso 2:14

Vawi Khrisitu sika murendellaahu ahaapweserera Ayuda ni athu ayo ehiri Ayuda wi ekhalle athu amodda. Voovelleellani mwiillaaye aakumulla esiri eyo yawiitanihalle alliwaayo.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.