Akolose 2:8 - Mawu a Mulluku

⁸ Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

Akolose 2:8 ပူးပေါင်းရင်းမြစ်များ

1 Timoteo 6:20

Timoteo, wehera phaama eyo ohiyeriweewe. Ohiiwelle miyaha ddoohikhalla ni mutteko ni ddoohikhalla ni omulluku, nnddo mwawoottha, ddineeriwa odduwella.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

Akolose 2:20

Mookhwa ni Khrisitu nave moottaphulliwa wa minepa ddoolamulella dda ellapo yavatthi. Ethiyo vano, munakhallella tini wonanko nyuwaano tti a mu ellapo yeella? Kaambiiwa tini muniiwellellaanyu malamulo awi,

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

Yeremiya 29:8

Apwiya Amasiva Mattheene, Mulluku a Israele, enallota wi, ‘Anamallotella ehuullekeni naari awoombesa ayo eri variyari vanyu nave muhiiwellelleke ddoolloha ddiwa.

2 Petro 3:17

Koma nyuwaano, ookondiwaaka, munnadduwella khalle yeella. Chenjerani, vano wi muhihollosiwe ni machimo a athu oohithwara malamulo wi muhitathille okeraattheya wanyu.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.

Agalatiya 4:3

Emoddamoddave yeeyo, hiyaanottho naariihu ang'onong'ono naari wonanko akaporo amasiva a ellapweella.

2 Akorinto 10:5

ni erive ello yoolepheliha athu odduwella dda Mulluku. Ninnaaphara erive maganizo wonanko kaporo wi emwiiwellelleke Khrisitu.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

Aefeso 4:20

Khe yeeyo mwahuddenreenyu dda Khrisitu!

Agalatiya 1:14

Voollapellani mu Eyuda, kahaakhwaranya Ayuda akhwaaka anchichi oophwanaphwanana miyakha nave kaari ookonda wunchichi ehuddiho dda makhollwaahu.

Afilipi 3:2

Muchenjerekena ayo eneera ddeko ddoonanara wonanko anapwa, ayo enallipihella wiiremarema mwiilli

Deuteronomo 6:12

muhiwe mwaatiwalla Apwiya ayo yuukhumihalleni o Iguputo, o okaporo.

Mateyu 16:6

Yesu aallota wa alliwaayo wi, “Muchenjere ni owehera dda yisiti a Afarisi ni Asaduki.”

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Akolose 2:22

Ddittheddenenndda ddinakhalla ddoohikhalla ni mutteko ddapharihiwa mutteko; ddenndda tti malamulo ni ehuddiho dda athuve.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

Nchipo na Solomoni 2:15

Munipharelle akhatwe, akhatwe ang'onong'ono, ayo enoononga emata ddampesa, vawi mipesa ddohimma malluwa. Namwalli

1 Akorinto 8:9

Vano chenjerani wi ottaphuwa wanyu vaweerani ddeko muhaakwakwatuwihe athu oofooka mu echikhulupililo.

1 Akorinto 10:12

Ayo eneesa ahiimella moollipa, enaphwanella echenjere wi ehiikuhe.

Agalatiya 5:15

Nave mwaakhallaka wonanko enama ddamuhakani, mwaallumanaka ni ochana, muchenjere wi muhoonongane attheene.

Akolose 2:23

Ddawoona malamulo yaalla enooneya wonanko tti eezeru voollapellani angelo ni wiiyeviha wawoottha ni ohoosa mwiilli nave malamulo yaalla khenawora ohiiha minkhella dda mwiilli.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.