Akolose 2:7 - Mawu a Mulluku

⁷ Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

Akolose 2:7 ပူးပေါင်းရင်းမြစ်များ

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Yeremiya 17:8

Ari wonanko muteekho wawaalliwa mukhwipi mwa muhinje, woorapa misisi ddiwa museresere mwa maaddi. Khonoova enthawi yooviha ekaamba yawi makukhwiiwa khenanyaalla. Va enthawi yoorama murimu khonakhupanya, khonahiya wimma ezipaso.”

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

2 Atesalonika 2:17

Nave uullipiheni murima ni wuuvahani masiva wi mweereke ni ollota ddaphaama enthawi ddittheddene.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Aefeso 5:20

Mumuthokozeke Mulluku Attiitthiihu enthawi ddittheddene ni ekaamba ya ddittheddene mu nnddina na Apwiihu Yesu Khrisitu.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Luka 6:48

Anaphwanaphwana ni muthu oyo voomakani enyumbaaye, aakata moowallamella nave atthipella enyumbeeyo vanllukuni. Muhinje waaddalla ni maaddi, ephiya va enyumbeeyo nave kheyaatikheye kaambiiwa yaamakiwa phaama.

Aefeso 4:21

Mwahiiwa dda olliye nave nyuwaano vookhallani oomuthwaraaye mwaahuddihiwa dda yawoona eyo eri mwa Yesu.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

2 Akorinto 1:21

Tti Mulluku oyo anikeraatthihalle hiyaano ni nyuwaano mu eyaattano ni Khrisitu. Tti Mulluku yooyo anizozille,

Yuda 1:12

Yaalla sika enaripiha machellellwaanyu oohakallallella eyaattano mumpingoni vawi ennikonda weekhiiwa moohiwulliwa muru. Tti wonanko mirapo ddookakhiwa ni ephevo nave ddoohimurupiha murimu. Tti wonanko miteekho ddoohimma ezipaso naari ophiyalle omamallihello wa enthawi yoohata ezipaso. Tti wonanko miteekho ddootulliwa nave ddaakhwa.

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.