Akolose 2:4 - Mawu a Mulluku

⁴ Vano kinimuulleellani, muhaakhullelle wi mmodda uuholloseni ni mawu oolleka.

Akolose 2:4 ပူးပေါင်းရင်းမြစ်များ

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Mateyu 24:4

Yesu ahaakhulla wi, “Chenjerani wi muthu ahiwoottottheni.

2 Yohane 1:7

Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.

Mariko 13:22

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Yawuupullulla 20:8

Nave aneerokhuma wi aalleke athu attheene a va ellapo yavatthi, yaalla sika Gogi ni Magogi. Satana aneerewaatthukumaniha vamodda wi ewane ekhoto, waata wiwa wonanko mihava dda mukhwipi mwa enyanja.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

2 Timoteo 2:16

Ohiiwellelleke miyaha ddoohikhalla ni mutteko ni ddoohikhalla ni omulluku. Miyaha ddenndda ddinnaarekamelliha athu ni Mulluku.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

Mitteko 20:30

Nave athu amodda oovenyera mwa mullokwaanyu yoolla, eneerowoottottha ookhulupilila ni waahoollella wi ehiye mpingo nave yaathwareke alliwaayo.

Yawuupullulla 20:3

Mungeloolle aayivokhella enoweeyo mullitini mulle, awallawo nave amara omullakoninko wi ehiwettho ewoottottha athu attheene ophiyera ddimallille miyakha 1,000 nnddo. Ddawa ddimalla enaphwanella wi ettaphulliwe wa enthawi yooyeva.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

1 Yohane 2:26

Kinuulembellani dda ayo enapaalla owoottotthani.

1 Yohane 2:18

Anaaka, enthawi yoomalliha yohaatamella! Mwaalleelliwa wi Mudani a Khrisitu animawa. Koma vano adani a Khrisitu ahooneya khalle, sika vano ninnadduwella wi enthawi yoomalliha yohaatamella.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

Agalatiya 2:4

Athu amodda yaapaalla yeeyo koma yaari ookhulupilila awoottha ayo yaavollowille mumpingoni mwahu wi etoteke miyaha mwawiipitthella wi yoone ottaphuwa ori ni hiyaano mwa Khrisitu Yesu. Yaapaalla oneera akaporo a malamulwiiwa.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

1 Akorinto 2:4

nave ohuddiha waka ni othengaaka ngawuuvellelle ni mawu ootthopoowa eezeru dda muthu koma ni woonihella wa masiva a Munepa a Mulluku.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.