Akolose 2:20 - Mawu a Mulluku

²⁰ Mookhwa ni Khrisitu nave moottaphulliwa wa minepa ddoolamulella dda ellapo yavatthi. Ethiyo vano, munakhallella tini wonanko nyuwaano tti a mu ellapo yeella? Kaambiiwa tini muniiwellellaanyu malamulo awi,

Akolose 2:20 ပူးပေါင်းရင်းမြစ်များ

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Agalatiya 4:3

Emoddamoddave yeeyo, hiyaanottho naariihu ang'onong'ono naari wonanko akaporo amasiva a ellapweella.

Akolose 2:14

Mulluku aafuta mullatu oyo walembiwe moonihumullulla hiyaano ekaamba yoohiiwellella malamulo. Enre ddenndda vootthomeyani vamutandani.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.

2 Akorinto 10:3

Tti ddawoona wi ninakhalla mu ellapo yavatthi koma khaninawana ekhoto ya va ellapo yavatthi.

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Akolose 3:3

Vawi mookhwa nave okumaanyu woovittheya ni Khrisitu mwa Mulluku.

Akolose 2:21

“Muhiphare ella,” “Muhillawihe ella,” “Muhittannye yoori yoori?”